Ургацын баяраар зохион байгуулагддаг баярын арга хэмжээнүүдийг хоригложээ

0
174

БНСУ-д сүүлийн дөрвөн өдрийн байдлаар коронавирусийн халдварын тоо 100-аас дээш бүртгэгдсэн хэвээр байгаа ажээ. Тиймээс Солонгос улсын засгийн газраас удахгүй болох ургацын баярын амралттай холбогдуулан авч буй шинэ арга хэмжээнүүдийг өнөөдөр/09.25/ нийтэд танилцуулжээ. Тус арга хэмжээ хэрэгжих хугацаа нь ирэх 28-ны өдрөөс эхлээд 10-р сарын 11-ны өдөр хүртэл хоёр долоо хоног үргэлжлэх аж. Дээрх хугацаанд улс орон даяар нийгэмд зай барих 2-р шатлалын арга хэмжээ хэрэгжих бөгөөд спортын арга хэмжээг үзэгчгүй зохион байгуулж, саун болон интернет тоглоомын газар зэрэг халдвар тарах өндөр магадлалтай газруудад хэрэгжиж буй арга хэмжээнүүд үргэлжлэх ажээ. Түүнчлэн иргэд олноороо баяр наадам тэмдэглэх нь хориотой болжээ. Ингэснээр өмнө нь зохион байгуулагддаг байсан тосгоны баяр, уламжлалт баярын арга хэмжээнүүд зохион байгуулагдах боломжгүй юм. Мөн хот суурин газарт байрлах шөнийн цэнгээний газар, архины газар зэрэг олноороо цугларах боломжтой газруудад авч буй арга хэмжээг үргэлжлүүлэн хэрэгжүүлэх талаараа мэдэгдсэн байна.

Солонгос мэдээ булан

WWW.MGLRADIO.COM

Сэтгэгдэл үлдээх