Ургацын баярын үеэр халдваргүйжүүлэлтийн тусгай арга хэмжээ авна

0
106

Ургацын баярын амралтын өдрүүдээр тус улсын Засгийн газраас хот суурин газарт үйлчилгээ эрхэлдэг хоолны газар, кино театр гэх мэт үзвэрийн газруудын ариутгал халдваргүйжүүлэлтийг чангатган, бусад орон нутагт зугаа цэнгээний газруудын үйл ажиллагааг тодорхой хугацаагаар зогсоох арга хэмжээ авахнээ.

Засгийн газраас 9.28-ны өдрөөс эхлэн 10.11-ний өдрийг хүртэлх хугацааг Ургацын баярын үеийн ариутгал халдваргүйжүүлэлтийн тусгай дэглэм барих хугацаагаар товлон ариутгал халдваргүйжүүлэлтийн төвлөрсөн арга хэмжээ авахаар болсон тухайгаа есдүгээр сарын 25-ний өдөр мэдэгдлээ.

Хоёр долоо хоногийн энэ хугацаанд Нийгэмд 2 метрийн зай барих хоёрдугаар шатлалын дэглэмийг үргэлжлүүлэн хот суурин газрын зоогийн газар, иргэдийн чөлөөт цагаа өнгөрүүлэх орчинд, бусад орон нутагт клуб зэрэг ууш, цэнгээний газруудын ариутгал халдваргүйжүүлэлтийг чангатгахад гол анхаарлаа хандуулжээ.

Улс орон даяар дотор орчинд 50 хүн, гадаа 100 болон түүнээс дээш хүн хамарсан цуглаан үйл ажиллагаа явуулахыг аравдугаар сарын 11-ний өдрийг хүртэл хориглосон бөгөөд клуб гэх зэрэг очин үйлчлүүлдэг цугаа цэнгээний газрууд болон худалдаа сурталчилгаа зэрэг хийдэг газрууд 11-ний өдрийг хүртэл үйл ажиллагаа явуулахгүй болно.

Хот суурин газарт караоке, театр, дасгал сургуулилт олноороо хийдэг газар, буфет, 300-с дээш хүнтэй сургалтын төвүүдэд цугларахыг хориглох бөгөөд сүм хийд болон цөөн хүнтэй цуглаан болон хооллохыг ч үргэлжлүүлэн хориглох юм байна.

Бусад газруудад караоке зэрэг халдвар авах магадлал өндөртэй орчин нөхцөл бүхий газарт амны хаалт зайлшгүй зүүх, үйлчлүүлсэн иргэдийн бүртгэл хийх зэрэг арга хэмжээ авах үүрэгтэй болох бөгөөд аравдугаар сарын 5-ны өдрөөс эхлэн тухайн орон нутгийн байдлаас шалтгаалан шууд худалдаалдаг болон түүнийг сурталчилдаг газраас бусад 5 төрлийн зугаа цэнгээний газрын үйл ажиллагааг  хориглосон арга хэмжээг цуцлаж болно.

Эх сурвалж: https://darinvoice.net/

Солонгос мэдээ булан

WWW.MGLRADIO.COM

Сэтгэгдэл үлдээх