“2020 оны Онлайн Солонгосын долоо хоног” арга хэмжээ болно

0
46

Бүгд Найрамдах Солонгос Улсаас Монгол Улсад суугаа Элчин сайдын яам UBS Телевиз хамтран зохион байгуулж, Нийслэлийн Аялал Жуулчлалын Газрын дэмжлэгтэйгээр “2020 оны Онлайн Солонгосын долоо хоног” арга хэмжээ 9 сарын 21-ний өдрөөс эхлэн зохион байгуулагдана.

Энэ жил дэлхий даяар тархсан Covid19 цар тахлын улмаас “2020 оны Онлайн Солонгосын долоо хоног” арга хэмжээний хүрээнд “K-Pop Festival in Mongolia” болон ‘K-Food Challenge’ гэсэн хоёр арга хэмжээг онлайн хэлбэрээр зохион байгуулах гэж байна.

  • “K-Pop Festival in Mongolia” нь энэ жил 10 дах удаагаа зохион байгуулагдаж байгаа бөгөөд “Дуу” болон “Бүжиг”гэсэн хоёр төрлөөр K-Pop-д хайртай Монголчууд маань ур чадвараараа өрсөлдөх гэж байна. 9.21(даваа)~10.16(баасан)-ны өдрүүдийн хооронд “2020 Korea Week Festival” гэсэн Facebook цахим хуудсаар бичлэгээ илгээнэ үү. Оролцогчдын бичлэгийг шүүн хянаж эцсийн шалгаруулалтын шилдэг оролцогчдыг шалгаруулах бөгөөд, эцсийн шалгаруулалт 10.31(бямба) UBS телевизийн стиудид зохион байгуулагдана.
  • ‘K-Food Challenge’ нь UBS телевизээр гарах хоолны нэвтрүүлэг болон     “K-Food Online Contest” гэсэн хоёр хэсгээс бүрдэнэ. UBS телевизийн хоолны нэвтрүүлэгт Элчин сайдын өргөөний тогооч “кимчижигэ”, “таккалби”, “бүлгуги” гэсэн 3 төрлийн хоол хийх аргыг заах болно. Мөн “K-Food Online Contest”нь 9.21(даваа)~10.16(баасан) -ны өдрүүдийн хооронд “2020 Korea Week Festival” гэсэн Facebook цахим хуудсаар солонгос хоол хийж буй бичлэгээ илгээсэн оролцогчидоос шилдэг 4 хүнийг шалгаруулах болно 

K-Pop болон Солонгосын соёл, Солонгос хоолонд дуртай бүх хүмүүсийг идэвхитэй оролцохыг уриалж байна 

Эх сурвалж: БНСУ-аас Монгол улсад суугаа ЭСЯ

Сэтгэгдэл үлдээх