“Бүдүүн мисс” киноны алдартан жүжигчин Ким А Жүн өнөөдөр 38-н нас хүрч байна

0
299
Өнөөдөр төрсөн алдартан
Ким А-Жүн
—————-
Өнөөдөр, “Шаушенкаас оргосон нь” киноны гол дүр жүжигчин Тим Роббинс, “Бүдүүн мисс” киноны жүжигчин Ким А Жүн, Ирландын зохиолч Оскар Уайльд нар мэндэлжээ. Бүдүүн Мисс киноны жүжигчин эмэгтэйг онцолно.
Өмнөд Солонгосын жүжигчин, загвар өмсөгч, дуучин Ким А-Жүн 1982 оны 10 сарын 16-нд Сөүлд мэндэлсэн, өнөөдөр 38 нас хүрч байна. Хвикюн охидын ахлах сургууль, Дондук их сургуулийг сэтгүүлчийн мэргэжлээр төгсөөд дараа нь Кореа их сургууль болон Швейцарт сурч зочид буудлын менежментээр магистр цол хамгаалжээ. Гэсэн ч мэргэжлээрээ ажиллаагүй харин загвар өмсөгчөөр энтэртэйнмент салбарт хөл тавьжээ.
Карьерийнхаа эхний хугацаанд зар сурталчилгаанд тоглодог байгаад тв, кино үйлдвэрлэлийн салбарынхны нүдэнд өртжээ. Үзэсгэлэнт царайнаас гадна уянгалаг сайхан дуу хоолойтой байснаас тусгай үдэшлэг, арга хэмжээнүүдэд очиж дуулдаг байв. 2004 онд анхны кинондоо туслах дүр бүтээж байсан бол “Бүдүүн Мисс” киноны Ханна буюу Женнигийн дүрийг бүтээсэн нь түүнд хамгийн их нэр хүндийг авчирснаас гадна Ким А Жүн өөрөө киноны “Мариа”, “Beautiful girl” дуунуудыг дуулжээ. Ингээд 3 жил кино урлагаас түр завсарлаад, “Санаандгүй хосууд” киногоор эргэн ирж, 2010 онд АНУ, Хятадын хамтарсан “Amazing” гэх шинжлэх ухааны кинонд виртуал дүрийг бүтээжээ. Гэвч 2011 онд Бүдүүн мисс маань татвараас зайлсхийсэн хэргээр шүүхэд дуудагдаж, татвараа төлж дээрээс нь 600,000 долларын торгууль төлж, кинонд тоглох эрхээ 2014 он хүртэл хасуулж шийтгүүлсэн нь дуулиан шуугиан тарьж байв. Гэвч “PS My Partner”, “Steal My Heart” зэрэг кинонуудаар дэлгэцнээ амжилттайгаар эргэн ирсэн.
Хамгийн сүүлд 2019 онд “The Bad Guys: Reign of Chaos” кинонд тоглосон бөгөөд зөвхөн кинонд ч бус хэд хэдэн тв-н цувралууд, 2 клипэнд тоглож, БНСУ-ын томоохон кино наадмуудаас шилдэг жүжигчин гээд олон шагналуудыг хүртэж байжээ.
Ким А-Жүн 2009 онд FranceExpress-ын сайн санааны элч, ерөнхий сайдын өргөмжлөл, 2015 онд 17 дахь удаагийн Сөүлийн олон улсын эмэгтэйчүүдийн кино наадмын элчээр өргөмжлөгдөж байсан бөгөөд одоогоор албан ёсоор гэрлээгүй боловч сайхан хоолойтой залууд дуртай гэсэн бөгөөд хэрэв олны хэл аманд өртөлгүй амьдарч чаддаг байна. Ингээд 170 см-ын өндөртэй бүдүүн мисс буюу Ким А-Жүн өнөөдөр 38 нас хүрч байна.
Солонгос мэдээ булан
WWW.MGLRADIO.COM

Сэтгэгдэл үлдээх