Дэлхийн Монголчуудын – MGLRADIO 88.3 Монгол Улсын Гадаад Харилцааны Яам-тай хамтран ажиллахаар боллоо

0
50
Дэлхийн Монголчуудын – MGLRADIO 88.3 Монгол Улсын Гадаад Харилцааны Яамны “Гадаад сурталчилгаа, соёлын харилцааны газар”-аас хэрэгжүүлж байгаа “Дэлхийн Монголчууд-II” хөтөлбөртэй хамтарч ажиллахаар боллоо.
Уг хөтөлбөрийн зорилго нь хилийн чанадад байгаа монгол иргэдэд чиглэсэн цогц бодлогыг боловсруулах, Үндсэн хуульд заасан тэдгээрийн эрхийг баталгаажуулах, монгол хэл, соёл, урлаг, зан заншлыг тээгч ард түмнүүдийн соёлын солилцоо, харилцаа, хамтын ажиллагааг дэмжих, хилийн чанадад байгаа Монгол Улсын иргэдийн зүгээс эх орныхоо хөгжил дэвшилд хувь нэмэр оруулах нөхцөлийг бүрдүүлэхэд оршиж байгаа юм.
Гадаад харилцааны яам-наас “Дэлхийн Монголчууд-II” хөтөлбөр болон бусад хилийн чанад дахь Монголчуудад хэрэгцээт мэдээлэл, төрийн бодлого шийдвэрийг түргэн шуурхай, дамжуулан хүргэх тал дээр манай радио-г дэмжин ажиллах аа мэдэгдлээ.
Дэлхийн Монголчуудын – MGLRADIO 88.3 долгионы зүгээс төрийн байгууллага болон гадаадад байгаа иргэдийг холбосон, ойртуулсан бодитой үр дүнтэй ажлууд болно хэмээн уг хамтын ажиллагааг баяртайгаар хүлээн авч байгаа бөгөөд хилийн чанад дахь сонсогч үзэгчдийн дуу хоолой, санал санаачлагыг дамжуулан хүргэх, уг хөтөлбөрт тулгамдсан асуудлуудыг нь тусгуулахаар хичээн ажиллах болно.
#MGLRADIO #МЭДЭЭ

Сэтгэгдэл үлдээх