Мөөг түүхээр явсан иргэний цогцсыг олжээ

0
298

Сүүлийн үед Солонгос иргэд мөөг түүх зорилгоор ууланд гарах нь ихэсжээ. Учир нь зун бороо их орж мөөг элбэг ургасан бөгөөд мөөг түүж зарж борлуулах зорилготой хүмүүс нэмэгдсэн байна. Гэсэн хэдий ч мөөг түүх зорилгоор уул руу гараад сураггүй алга болсон тохиолдол хэд хэд бүртгэгдсэн аж. Энэ сарын 3-ны өдөр гэхэд ууланд мөөг түүх гэж гараад сураггүй алга болсон 70 гаруй настай иргэний цогцсыг уулнаас олсон байна. Мөн өнгөрөгч 9-н сард мөн л мөөг түүх гэж гэрээсээ гараад алга болсон 90 гаруй настай иргэний цогцсыг алга болсноос нь хойш найман өдрийн дараа олсон аж. Сүүлийн нэг сарын дотор Гавон мужид мөөг түүх гэж ууланд гараад бэртэж гэмтсэн 17 тохиолдол бүртгэгдсэн бөгөөд дөрвөн иргэн нас барсан байна. Тиймээс Солонгос улсын онцгой байдлын газраас ууланд гарч байгаа иргэд ганцаараа биш хүнтэй гарч орой болохоос өмнө эртхэн уулнаас буух шаардлагатайг анхааруулж байгаа аж.

Эх сурвалж: KBS NEWS

Солонгос мэдээ булан

WWW.MGLRADIO.COM

Сэтгэгдэл үлдээх