Хөдөлмөр эрхлэлтийг дэмжих өдөрлөг болж байна

0
108
БНСУ-д хөдөлмөрийн гэрээгээ амжилттай дуусгаж, тус улсын дэвшилтэт технологиос суралцан ур чадвар эзэмшиж, эх орондоо эргэж ирсэн иргэдийн хөдөлмөр эрхлэлтийг дэмжих өдөрлөг Нийслэлийн иргэдэд үйлчлэх Мишээл экспо дахь нэгдсэн төвийн байранд болж байна. Энэ үеэр гадаадад ажиллах хүч гаргах үйл ажиллагаа, хөдөлмөр эрхлэлтийг дэмжих чиглэлээр төрөөс авч хэрэгжүүлж буй бодлого, арга хэмжээг иргэд, олон нийтэд сурталчлан таниулах, хөдөлмөр эрхлэлтийг дэмжих үйлчилгээнд хамруулахад чиглэсэн үйл ажиллагааг зохион байгуулах юм.
Тус үйл ажиллагаанд Нийслэлийн Хөдөлмөр эрхлэлтийн газар, Нийслэлийн Баянгол, Хан-Уул, Баянзүрх, Сонгинохайрхан, Чингэлтэй, Сүхбаатар дүүргийн Хөдөлмөр, халамжийн үйлчилгээний хэлтэс, Мэргэжлийн боловсрол, сургалт, үнэлгээ мэдээлэл, арга зүйн төв, Залуучуудын хөдөлмөр зуучлалын төв, ажил олгогч аж ахуйн нэгж байгууллагууд оролцож байна.
Өдөрлөгийн үеэр хөдөлмөр эрхлэлтийг дэмжих чиглэлээр хэрэгжиж буй төсөл хөтөлбөр, үйлчилгээ, арга хэмжээ болон хөдөлмөрлөх эрхийн талаар иргэдэд мэдээлэл зөвлөгөө өгөх, сурталчлан таниулах, зөвлөмж, зурагт хуудас, хэвлэмэл материал түгээх, иргэдийн санал хүсэлтийг хүлээн авах юм. Мөн энэ чиглэлээр видео дуудлага, нээлттэй утас болон саналын хайрцаг, ажлын ярилцлага хийх тусгай өрөө ажиллуулах, иргэдэд нээлттэй ажлын байрын захиалгыг танилцуулах, ажилд зуучлах, бүртгэл мэдээллийн үйлчилгээг зохион байгуулах, иргэний өмнөх мэдлэг ур чадварыг үнэлэх, гэрчилгээ олгох, үйлчилгээг танилцуулах, бүртгэлд хамруулах ажлыг зохион байгуулах тул иргэд, олон нийт идэвхтэй оролцож мэдээ, мэдээлэл авах боломжтой.
Эх сурвалж: Хөдөлмөр нийгмийн хамгааллын яам

Сэтгэгдэл үлдээх