“Korean Air”, “Asiana Airlines” нэгдэж нэг компани болно

0
87

Солонгосын Кореан Эйр компани Аж үйлдвэрийн банкны хөрөнгө оруулалтаар Азиана Эйрлэнсийг шилжүүлэн авахаар бэлдэж байна.

Аж үйлдвэрийн банкнаас Ханжин Группийн охин компани болох Ханжин Кал-д 800 тэрбум воны хөрөнгө оруулбал Ханжин Кал энэхүү хөрөнгө оруулалтанд үндэслэн 2021 оны эхээр болох Кореан Эйрын капиталын өсөлтөд 2,5 их наяд воны хэмжээтэй оролцоно.

Кореан Эйр нь капиталын өсөлтөөр дамжуулан Азиана Эйрлэнсийн шинэ хувьцаанаас 1,5 их наяд воныг шилжүүлэн авах зэргээр нийтдээ 1.8 их наяд воны хөрөнгө оруулалт хийн хамгийн том хувьцаа эзэмшигч болсоны дараа дээрх авиа компаниудыг нэгдүүлэх төлөвтэй байна.

Хэрэв уг худалдан авалт амжилттай болбол ачаа тээвэрлэлтээрээ дэлхийд долоодугаарт орох 20 их наяд воны борлуулалттай томоохон агаарын тээврийн компани шинээр бий болохнээ.

Хоёр компанийн үйл ажиллагааг явуулдаг Жин – Эйр, Эйр Пусан, Эйр – Сөүл зэрэг хямд өртөгтэй авиа компаниудыг ч үе шаттайгаар нэгдүүлэх төлөвлөгөөтэй байна.

Эх сурвалж: https://darinvoice.net/

Сэтгэгдэл үлдээх