Сөүл-Улаанбаатар хотын хооронд эгч дүүсийн харилцаа тогтоосны ойг тэмдэглэлээ

0
200

СӨҮЛ. /Korea Times/. БНСУ-ын нийслэл Сөүл хотын засаг захиргаа Монгол Улсын нийслэл Улаанбаатар хоттой эгч дүүсийн харилцаа тогтоосны 25 жилийн ойг тохиолдуулан цахим үйл ажиллагаа зохион байгууллаа.

“COVID-19” халдвар тархахаас урьдчилан сэргийлэхийн тулд “On Connect Seoul x Ulaanbaatar” нэртэй энэхүү үйл ажиллагааг Сөүлийн засаг захиргааны цахим хурлын студи болон Улаанбаатар дахь “UBS” телевизийн студид зохион байгуулжээ.

Энэхүү үйл ажиллагаанд Солонгос, Монголын алдартнууд, нийгмийн сүлжээнд нэр нөлөө бүхий хүмүүс оролцсоны зэрэгцээ хоёр хотыг сурталчилсан цахим тоглолт, ярилцлагын шоу, Солонгосын алдарт жүжигчин Ким Сү Мигийн оролцсон хоолны шоу болжээ.

Мөн Монголын “UB DRUMS ASPAC” бүжгийн хамтлаг үзүүлбэр үзүүлж, дуучин Гантогоо уран бүтээлээ толилуулжээ. Цахим үйл ажиллагаа хоёр хотын оршин суугчдад сайн сайхныг хүсэн ерөөсөн ярилцлага бүхий бичлэгээр өндөрлөсөн байна.

Эх сурвалж: Montsame.mn

Сэтгэгдэл үлдээх