Япон улсын ГХЯ Өмнөд Солонгосын элчин сайдад эсэргүүцэл илэрхийлэв

0
33

Сөүл хотын шүүхээс Япон Улсын Засгийн газарт дэлхийн хоёрдугаар дайны үед япон цэргүүдийг тайтгаруулагч солонгос эмэгтэйчүүдэд нөхөн төлбөр олгох үүрэг хүлээлгэсэнтэй холбогдуулан энэ сарын 8-ны өдөр Япон Улсын ГХЯ-ны Төрийн нарийн бичгийн дарга Такэо Акиба тус улсад суугаа БНСУ-ын Элчин сайд Нам Гуан Пёо-г дуудан уулзаж “Туйлын харамсалтай байна. Япон Улсын Засгийн газар дээрх шийдвэрийг хүлээн авах боломжгүй” хэмээн эсэргүүцлээ илэрхийлэв. Дээрх асуудалтай холбогдуулан ЗГХЭГ-ын дарга К.Като 8-ны өдөр хийсэн хэвлэлийн бага хурал дээр “Олон улсын хууль дүрмийн дагуу тул нэхэмжлэлийг хэрэгсэхгүй болгох ёстой” гэжээ. Тэрбээр нэмж хэлэхдээ “Япон, Өмнөд Солонгосын хоорондох эд хөрөнгийн нэхэмжлэл, түүний дотор тайтгаруулагч эмэгтэйчүүдийн асуудлыг 1965 оны Япон, Солонгосын хэлэлцээрээр шийдвэрлэсэн. Ийм шийдвэр гаргасанд туйлын харамсаж байна” хэмээн байр суурь илэрхийлсэн байна.

Эх сурвалж: Гадаад харилцааны яамны гадаад сурталчилгаа соёлын газар

Сэтгэгдэл үлдээх