Нийгэмд зай барих дэглэмийг хоёр долоо хоногоор сунгалаа

0
153

Солонгосын засгийн газраас одоо хэрэгжүүлж буй нийслэл хот орчмын газруудад  2,5-р, бусад газруудад 2-р шатлалын нийгэмд зай барих дэглэм болон 5-аас дээш хүн цугларахыг хориглох, оройн 9 цагаас хойш үйлчилгээний газрууд үйл ажиллагаа явуулахыг хязгаарлах арга хэмжээг нэгдүгээр сарын 31-нийг хүртэл буюу 2 долоо хоногоор сунгах шийдвэр гаргажээ.

Халдварын тархалтын эрсдэл ноцтой хэвээр байгаа гэж үзэн 5-аас дээш хүн цуглахыг хориглох, 21 цагаас хойш үйлчилгээний байгууллагуудын үйл ажиллагааг хязгаарлалтыг ч мөн сунгажээ.

Харин 18-ны өдрөөс зугаа цэнгээний газраас бусад караоке, дугуйлан, спорт дасгалын газрууд зэрэгт тавьж байсан хязгаарлалтын арга хэмжээг бууруулахаар болжээ.

Нэг хүнд ногдох талбайг 8 метр квадрат байх бөгөөд тухайн орчин нөхцөлөөс шалтгаалан үйлчлүүлэгчийн тоонд хязгаарлалт хийх зэрэг ариутгал халдваргүйжүүлэлтийн арга хэмжээ авсан газрууд үйл ажиллагаагаа явуулах боломжтой болж байгаа юм байна.

Хүргэлт болон савлуулах авч явах үйлчилгээ л боломжтой байсан хязгаарлалтыг сулруулж кафед сууж үйлчлүүлэх боломжтой болсон бөгөөд суудлынхаа 50 хувийг л ашиглах эсвэл хаалт суурилуулахыг үүрэг болгосон байна.

Шашны байгууллагуудын хувьд очиж хамрагдах хүний тоог хот суурин газарт суудлынхаа 10 %, бусад газар 20% хүртэл зөвшөөрчээ.

Эх сурвалж: https://darinvoice.net/

Сэтгэгдэл үлдээх