Дэлхийн Монголчуудын MGLRADIO “Гадаадад ажиллах хүч гаргах хэлтэс”-тэй хамтын ажиллагааны санамж бичиг байгууллаа

0
53

Хөдөлмөр, халамжийн үйлчилгээний ерөнхий газар нь БНСУ-тай байгуулсан хөдөлмөр эрхлэх зөвшөөрөл олгох тогтолцооны дагуу ажилтан илгээх болон хүлээн авах тухай харилцан ойлголцлын санамж бичиг, Япон Улстай байгуулсан оршин суух зөвшөөрөлтэй ур чадвартай ажиллах хүчний тогтолцооны зохистой ажиллагааны үндсэн хүрээг хэрэгжүүлэх тухай хамтын ажиллагааны санамж бичгийн хүрээнд холбогдох чиг үүргийг гүйцэтгэж ажилладаг.

Дэлхийн монголчуудын “MGLRADIO 88,3 FM” радиотой хамтын ажиллагааны санамж бичгийг байгуулснаар БНСУ, Япон Улсад ажиллах хүсэлтэй болон ажиллаж буй иргэдэд үнэн бодитой мэдээллийг шуурхай мэдээлэх, танин мэдүүлэх ач холбогдолтой юм.

Мөн, Гадаадад ур чадвар эзэмшсэн иргэдийн хөдөлмөр эрхлэлтийг дэмжих ажлын хүрээнд авч хэрэгжүүлж буй арга хэмжээний тухай мэдээллийг тус радиогоор дамжуулан хөдөлмөрийн салбарт ажиллаж буй төр, хувийн хэвшил, олон улсын байгууллагын холбогдох мэргэжлийн хүмүүсээс хүлээн авах боломж нээгдэж байна.

ГАДААДАД АЖИЛЛАХ ХҮЧ ГАРГАХ ХЭЛТЭС

Эх сурвалж: Хөдөлмөр, халамжийн үйлчилгээний ерөнхий газар

Сэтгэгдэл үлдээх