БНАСАУ-ын ураны үйлдвэр үйл ажиллагаагаа явуулж буй байдал ажиглагджээ

0
39

ПЁНЬЯН. /Yonhap/. БНАСАУ-ын цөмийн цогцолбор уран баяжуулах үйлдвэрийнхээ үйл ажиллагааг өвлийн турш үргэлжлүүлж буй байдал ажиглагдлаа гэж АНУ-ын “38 North” ажиглалтын байгууллага мэдээлжээ.

Энэ оны 1-2 дугаар сард хиймэл дагуулаас авсан гэрэл зургуудад дүгнэлт хийсэн шинжээчдийн мэдээлснээр, “Ёнбен” цогцолборын ураны үйлдвэрийн ойролцоох тээврийн хэрэгсэл, тоног төхөөрөмжүүд хөдөлсөн нь үйл ажиллагаагаа үргэлжлүүлэн явуулж буйг нь илтгэн харуулжээ.

Гэвч цөмийн реакторууд ажиллаж буй байдал ажиглагдаагүй байна. Харин уран баяжуулах үйлдвэрт янз бүрийн тээврийн хэрэгслүүд ирснээс үзэхэд химийн урвалжуудыг зөөвөрлөж байж магадгүй гэж ажиглалтын байгууллагын тайланд дурдсан байна.

БНАСАУ-ыг цөмийн зэвсэг, баллистик пуужингийн хөтөлбөрөө татан буулгасны хариуд тус улсын эсрэг авсан хориг арга хэмжээнүүдийг сулруулах тухай Вашингтон, Пёньяны хэлэлцээ зогсонги байдалд ороод нэлээд хугацаа өнгөрч буй үед энэхүү тайланг танилцуулжээ.

Эх сурвалж: Montsame.mn

Сэтгэгдэл үлдээх