Ерөнхийлөгч Х.Баттулга БНСУ-ын нэгэн эмнэлэгрүү талархлын захидал илгээжээ

0
58

Монголын шинжлэх ухааны академийн, Археологийн хүрээлэнгийн ахлах судлаач Н.Батсүх нь өнгөрөгч 4-р сарын эхээр Солонгост зохион байгуулагдсан “Азийн соёлын өвийг хамгаалах шинжлэх ухаан, олон улсын сургалт”-д оролцсон байна. Тэрээр нутаг буцахынхаа өмнө хүнд ханиад хүрч амьсгалахад хэцүү байдалд оржээ.

 Ингээд Илжи их сургуулийн эмнэлгийн түргэн тусламжийн тасагт хүргэгдэн хагалгаанд орсон байна. Гэвч эмнэлгийн төлбөр нэлээдгүй өндөр гарснаас үүдэн ахлах судлаач Н.Батсүх нь эмчилгээгээ дуусгалгүй эмнэлгээс гарах  хүсэлт гаргажээ. Үүнийг сонссон Илжи сангийн ерөнхийлөгч Пак Жүн Ён эмчилгээний зардалд хорин сая вон хандивласан байна.

 Уг үйл явдалд Монгол улсын ерөнхийлөгч Х.Баттулга талархан “Илжи их сургуулийн эмнэлгийн ачаар Монгол улс чадвартай судлаачаа авч үлдлээ” хэмээгээд эмнэлгийн ажилчдад талархал илэрхийлсэн захидал илгээсэн байна.

WWW.MGLRADIO.COM
Солонгос мэдээ булан

Сэтгэгдэл үлдээх