Гадаад ажилчдын талаар шүүмжилжээ

0
97

Гадаад ажилчид ариутгал халдваргүйжүүлэлтийн гадна талд байна гэсэн шүүмжлэл газар авч байна. Өнгөрсөн хоёрдугаар сарын 17-ны өдөр Намьянжү хотын нэгэн үйлдвэрийн ковидын шинжилгээгээр эерэг гарсан 123 хүний 111 нь нэг дотуур байранд амьдардаг гадаад ажилчид байсан бөгөөд өнгөрсөн 23-ний өдрийн байдлаар Хойд Чүнчон аймгийн нийт халдвар авсан хүн /давхардсан тоо/-ий 12,2 хувь нь цагаач иргэд байжээ.

Албан газар, их дээд сургуулиас олноороо халдвар авч буй цагаач иргэдийн тоо ч нэмэгдсээр байна.

Цагаач иргэд төвлөрсөн газруудад үйлдвэрийн дотуур байранд гадаад ажилчид олноороо амьдардаг бөгөөд ариутгал халдваржуулалт хангалтгүй байгаагаар илэрчээ.

Солонгос хэлний бэрхшээл дээр асуудал гарах вий хэмээн явсан газруудаа үнэн зөвөөр мэдээлэхгүй байгаа гадаад иргэд байгаа нь хорио цээрийн албаны ажилтнуудад хүндрэл болж байгаа асуудал ч байгаа бололтой.

Цагаач иргэдийг дэмжих байгууллагууд ковидын энэ нөхцөл байдалд хууль бусаар амьдарч байгаа бүртгэлгүй гадаад иргэдийг хууль ёсны амьдрах эрхтэй болгох арга хэмжээ авах хэрэгтэй байгаа талаар байр сууриа илэрхийлсээр байна.

Хорио цээрийн байгууллагууд шаардлагатай гэж үзвэл бүртгэлгүй гадаад иргэдийг ч вакцинд хамруулах төлөвлөгөөтэй байгаагаа мэдэгдсэн удаатай ч үүнээс өмнө тэдний оршин суух статус тогтвортой байх, албан ёсоор оршин суух эрхтэй болгоогүй цагт вакцинжуулалтад хамруулах амаргүй байх талаар цагаач иргэдийг дэмждэг байгууллагуудаас тайлбарлажээ.

Эх сурвалж:

Сэтгэгдэл үлдээх