БНСУ, Япон улстай яриа хэлэлцээр хийхэд бэлэн гэдгээ мэдэгджээ

0
66

БНСУ, ЯПОН УЛСТАЙ ЯРИА ХЭЛЭЛЦЭЭ ХИЙХЭД ХЭЗЭЭД БЭЛЭН ГЭДГЭЭ

ЕРӨНХИЙЛӨГЧ МҮН ЖЭ ИН ОНЦЛОВ

БНСУ-ын Ерөнхийлөгч Мүн Жэ Ин Даваа гарагт болсон Японы эсрэг тусгаар

тогтнолын 102 жилийн ойн арга хэмжээний үеэр мэдэгдэхдээ “БНСУ, Япон Улстай

илүү хүчтэй хамтын ажиллагаагаа үргэлжлүүлэхээ зогсоохгүй, АНУ-тай гурван талт

түншлэлд ч ач тустай. Манай Засгийн газар Япон Улсын Засгийн газартай хэзээ ч

сууж, яриа хэлэлцээ хийхэд бэлэн байна. Хөрш орнууд тулгамдаж буй асуудлууд

дээр “бие биенийхээ оронд өөрийгөө тавих” байр сууринаас хандаж, санал бодлоо

хуваалцвал, асуудлыг “ухаалгаар” шийдэж чадна. Хоёр тал ирээдүйд чиглэсэн

хэлхээ холбоо тогтоохын тулд түүхэн асуудлуудыг салгаж чадахгүй байгаа “саад

тотгорыг” даван туулж чадна” хэмээн уриалав. Тэрбээр “Хоёр талын хамтын

ажиллагаа нь хоёр улсад тус дэмжлэг болж, Зүүн хойд Азид тогтвортой, харилцан

хөгжин дэвжих нөхцөлийг бүрдүүлж, БНСУ, АНУ, Японы гурван талт хамтын

ажиллагаанд үр дүнгээ өгөх болно. Солонгос хоорондын харилцааны талаар дайныг

үл тэвчих, харилцан аюулгүй байдлын баталгаа, хамтын хөгжил цэцэглэлт гэсэн

гурван гол зарчмыг дахин онцолж байна. Умард Солонгос нь COVID-19 мэт

нийгмийн эрүүл мэндийн хямралын эсрэг түншлэлийг дэмжих зорилго бүхий “Зүүн

хойд Азийн хамтын ажиллагааны санаачилга”-д нэгдэж хамтран ажиллана гэж

найдаж байна. Солонгосын хойг болон Зүүн Азийн орнуудад харилцан ойлголцол,

энх тайвны үүд хаалгыг нээх хүч болно. Токиогийн олимпыг амжилттай зохион

байгуулахад хүчин чармайлт гаргаж ажиллах нь хоёр Солонгос, АНУ, Япон улс

хооронд яриа хэлэлцээг эхлэх боломжийг нээх болно” гэжээ. Сөүлд баригдсан

орчин үеийн анхны цэцэрлэгт хүрээлэн болох Тусгаар тогтнолын тунхагыг зарласан

түүхэн хөдөлгөөний өлгий гэдгээрээ алдартай Тапгол цэцэрлэгт хүрээлэнд энэ

жилийн ёслол болов.

Эх сурвалж: Гадаад харилцааны яамны гадаад сурталчилгаа соёлын газар

Сэтгэгдэл үлдээх