Түр саатуулагдах байрнаас гарахын тулд коронавирусийн халдвартай хэмээн худлаа хэлжээ

0
79

Өнгөрөгч 6-ны өдрийн 10 цагийн үед Инчон хотын нэгэн түр саатуулах байранд хоригдож байсан 56 настай иргэн А “Би коронавирусийн халдвартай” хэмээн худлаа хэлж цагдаагийн албан хаагчдын ажилд хүндрэл учруулсан хэрэг гарчээ.  Тус иргэн таксины жолоочид хүч хэрэглэсэн гэх дуудлагаар очсон цагдаагийн биед халдсан хэргээр цагдаад шалгагдаж байсан бөгөөд түр саатуулах байрнаас гарахын тулд коронавирусийн халдвар авсан хэмээн хэлсэн аж. Тухайн үед ажиллаж байсан цагдаагийн ажилчид А-г коронавирусийн халдвартай эсэхийг мэдэхгүй тул түүнийг эмнэлэгт хүргэн шинжилгээ хийлгэхэд коронавирусийн халдваргүй хэмээн гарсан байна. Уг иргэний худал хэлснээс үүдэн саатуулах газар ажиллаж байсан цагдаагийн 15 ажилтан коронавирусийн шинжилгээ өгч шинжилгээний хариу гартал тусгаарлагдсан байна.

 

WWW.MGLRADIO.COM
Солонгос мэдээ булан

Сэтгэгдэл үлдээх