Коронавирусийн талаарх цаг үеийн мэдээлэл

0
73

Эрүүл мэндийн яамны
Гамшгийн аюулаас урьдчилан сэргийлэх төв штаб,
Халдварт өвчин судлалын үндэсний төвийн мэдээлэл
(2020.03.16 Даваа гараг)

Эмнэлгийн зориулалттай хамгаалалтын хэрэгсэл, материал хангамжийг нэмэгдүүлэх тухай

-Засгийн газар эмнэлгийн зориулалттай хамгаалалтын хэрэгслийн хангалтыг зохицуулах төлөвлөгөө баталлаа. Дэлхий нийтийн хэмжээнд коронавирусын халдвар тархаж, улс орнуудад эмнэлгийн зориулалттай хамгаалалтын материалын эрэлт хэрэгцээ нэмэгдэх магадлалтай байгааг харгалзан дээрх арга хэмжээг авч байна. Эхний ээлжинд хамгаалалтын хувцас, хэрэгслийн материал үйлдвэрлэдэг компаниудаас нийлүүлж буй дотоодын хэрэгцээний хангалтыг нэмэгдүүлэх, тогтвортой байлгах ажлуудыг хийж байна. Мөн халдвараас сэргийлэх хамгаалалтын материал хэрэгслийг олон улсын жишигт нийцүүлэн үйлдвэрлэх, үйлдвэрлэлийг нэмэгдүүлэх хүрээнд дотоодод ажлын байр бий болгох, хамгаалалтын материалын үйлдвэрлэлийн судалгаа, өрсөлдөх чадварыг сайжруулах, дотоодод тогтвортой худалдах, нөөцийг эрсдэлгүй хангах боломжийг бүрдүүлэхээр ажиллаж байна. Цаашид жил бүр тодорхой хэмжээний нөөцийг бүрдүүлж байх, хамгаалалтын хэрэгсэл үйлдвэрлэгч дотоодын компаниудтай гэрээг үргэлжлүүлэн байгуулах, онцгой үед үйлдвэрлэгийг нэмэгдүүлэх арга хэмжээ авна. Засгийн газар нэн тэргүүнд эмч, ажилчдад хамгаалалтын хэрэгслийг нийлүүлэх бөгөөд эхний ээлжинд энэ 3 дугаар сард багтаан 1 сая 800 мянган ширхэг хамгаалалтын хувцас, 2 сая хамгаалалтын амны хаалт нийлүүлнэ. 4 дүгээр сараас дотоодын компаниудаар дамжуулан 2 сая 500 мянган хамгаалалтын хувцас, 3 сая хамгаалалтын амны хаалтын хангалт хийнэ.

Тусгай нөхцлөөр хил нэвтрэх шинэ журмын талаар-Засгийн газар 3 дугаар сарын 16-наас Европын нийт улсаас ирж буй дотоод, гадаадын зорчигчдыг тусгай журмын дагуу хилийн шалган өнгөрүүлэх цэгээр нэвтрүүлэхээр шийдвэрлэсэн. Энэ зохицуулалт нь сүүлийн үед Европын дийлэнх улсад коронавирусын халдвар хурдацтай тархаж дотоодод халдвар зөөвөрлөгдөн орж ирэх эрсдэлээс хамгаалах зорилготой. Европын улсуудаас БНСУ-д орж ирсэн иргэдийн дунд 3 дугаар сарын 13-нд 1 халдвартай зорчигч, 14-нд 3 халдвартай зорчигч илэрсэн. 3 дугаар сарын 16-ны байдлаар Европын улсуудаас нийт 1391 зорчигч ирсэн ба үүнээс 76 (71 нь БНСУ-ын иргэн) хүнээс халдварын шинжилгээ аваад байна. Бусад зорчигчдоос халдварын шинж тэмдэг илрээгүй боловч холбоо барих утасны дугаарыг албан ёсоор бүртгэж авч, 14 хоногийн хугацаанд хувийн эрүүл мэндийн байдлаа өөрөө хянаж, мэдэгдэж байхаар тусгай апплейкшнийг гар утсанд нь суулгуулж, өдөр бүр биеийн халуун, байдлын мэдээллийг тогтмол авч байхаар зохицуулсан.

Түр эмчилгээний төвийн нөхцөл байдлын талаар

– 3 дугаар сарын 15-ны ѳдрийн 08 цагийн байдлаар нийт 16 түр эмчилгээний тѳвд биеийн байдал нь хѳнгѳн зэрэгтэй 2620 ѳвчтѳн хэвтэж эмчлүүлж байна. Дэгү-1 түр эмчилгээний тѳвд 125, Дэгү-2 тѳвд 284, Гёнбүк Дэгү-1 тѳвд 195, Гёнбүк Дэгү-2 тѳвд 197, Гёнбүк Дэгү-3 тѳвд 97, Гёнбүк Дэгү-4 тѳвд 62, Гёнбүк Дэгү-5 тѳвд 38, Гёнбүк Дэгү-7 тѳвд 290, Гёнбүк Дэгү-8 тѳвд 256, Гёнбүк-1 тѳвд 55, Чүннам Дэгү-1 тѳвд 253, Чүнбүк Дэгү-1 тѳвд 96, Чүнбүк Дэгү-2 тѳвд 141, Чүнбүк Дэгү-3 төвд 179, Чүнбүк Дэгү-4 төвд 201, Чонбук Дэгү-1 тѳвд 166 ѳвчтѳн тус тус эмчлүүлж байна.

3 дугаар сарын 15-нд 196 өвчтөний шинжилгээний хариу сөрөг гарч эмнэлгийн тусгаарлалтаас гаргасан ба нийт 403 өвчтөнийг гэрт нь гаргасан. 15-нд уушгины хатгалгаа, амьсгалын хүнд бэрхшээлтэй 2 өвчтөнийг ойролцоох эмнэлэгт шилжүүлсэн ба нийт 43 өвчтөнийг эмнэлэгт шилжүүлж эмчилж байна. Иргэдэд зориулсан гар утасны апплейкшнийг (inPHR) ашиглаж буй нь нэгдсэн байдлаар хяналт тавих боломжийг олгож байна. Энэ нь өвчтөн өөрийн биеийн халуун болон бусад холбогдох мэдээллийг хялбархан оруулах ба уг мэдээллийг хариуцсан эмч, сувилагч нар шууд харах боломжтой. Энэ арга нь эмч, сувилагч өвчтөний гэрт заавар очих шаардлагагүй болж буй нь халдвар тархахаас урьдчилан сэргийлэхэд чухал ач холбогдолтой юм.

-3 дугаар сарын 8-наас өнөөдрийг хүртэл Сөүл хотын Гүру дүүргийн харьяа дуудлагын төвийн ажилтнуудаас нийт 129 хүн халдвар авсан нь тогтоогдож, холбогдох шалгалтын ажил хийгдэж байна. Эдгээр өвчтөнөөс 1 нь Гёнги мужийн Бүчон дүүрэгт байрлах сүмд очсон ба сүмээс халдвар авсан 14 тохиолдол илэрсэн. Мөн Гёнги мужийн Сужон дүүрэгт байрлах сүмд 3 дугаар сарын 9-нөөс өнөөдрийг хүртэл нийт 46 халдварын тохиолдолд илрээд байна. Сүүлийн үед гадаадаас ирж буй хүмүүсээс халдварын тохиолдол илэрч байгаа тул гадаадад аялалаар явж буй болон гадаадаас ирж буй зорчигчдод анхааруулга өгч байна.

-3 дугаар сарын 15-нд Солонгосын хилээр 15457 зорчигч орж ирснээс тусгай зохицуулалтаар хил нэвтрүүлж буй Франц, ХБНГУ, Испани, Их Британи, Нидерланд Улсын нийт 1389 иргэн байна. Эдгээр зорчигчдыг хилээр нэвтрэхэд нь халууныг нь хэмжиж, Солонгост холбоо барих утас, хаягийг нягталж, гар утсанд нь тусгай апплейкшн суулгуулж, өдөр бүр биеийн байдлаа мэдээлж байхаар зохицуулж байна.

-Халдвар авсан нийт өвчтөнд тусгаарлалтаас чөлөөлөгдсөн иргэд 8.8 хувийг эзэлж байна. Тусгаарлалтад дунджаар 14.7 өдөр болж байна. Тусгаарлагдсан хэлбэрийг авч үзвэл эмнэлэгт 73 хувь (521 иргэн), түр эмчилгээний төвд хэвтсэн 26.5 хувьд (189 иргэн), гэрийн тусгаарлалтад 0.6 хувь (4) байна. Дэгү хот, Умард Гёнсан мужид Шинчонжи сүмтэй холбогдох шалгалтын ажил дуусч, халдварын тохиолдол багасаж байгаа боловч нийтийн үйлчилгээний газар, асрамжийн газар зэрэг нийгмийн хамгааллын байруудад халдварын тохиолдол нэмэгдэж байгаа тул урьдчилан сэргийлэх арга хэмжээг чангатгаж байна.

Эх сурвалж: Embassy of Mongolia in Seoul

Сэтгэгдэл үлдээх