Эдийн засгийн онцгой зөвлөл байгуулахыг үүрэг болгожээ

0
50

СӨҮЛ. /TASS/. Коронавирусний цар тахлын нөхцөлд эдийн засгийг дэмжих асуудлуудыг шийдвэрлэх эдийн засгийн онцгой зөвлөл байгуулна хэмээн БНСУ-ын Ерөнхийлөгч Мүн Жэ Ин сайд нарын танхимын хуралдааны үеэр мэдэгджээ.

“Бодож байснаас илүү ноцтой хэмжээнд хүрч болзошгүй байгаа коронавирусний тархалтаас үүдэлтэй эдийн засгийн хор уршигтай тэмцэхийн тулд засгийн газар эрчимтэй арга хэмжээ авах болно” гэж тэрбээр мэдэгдсэн байна.

Эдийн засгийн бодит байдал болон санхүүгийн зах зээл нэгэн зэрэг хүчтэй цохилтод өртөөд буй одоогийн нөхцөл байдлыг тэрбээр “хавсарсан хямрал” хэмээн тодорхойлжээ.

Хямралд хариу арга хэмжээ авахад туслах эдийн засгийн онцгой зөвлөлийг аль болох хурдан байгуулахыг Ерөнхийлөгч Засгийн газарт үүрэг болгосон байна.

Эх сурвалж: montsame.mn

Сэтгэгдэл үлдээх