БНСУ-ын засгийн газраас коронавирусийн эсрэг авч буй арга хэмжээ

0
64

БНСУ-ын Засгийн газар коронавирусын халдвараас урьдчилан сэргийлэх зорилгоор 3 дугаар сарын 19-ний 00.00 цагаас эхлэн гадаад улсаас ирж буй гадаад, дотоодын нийт зорчигчдыг бүх хилийн боомтууд /агаарын болон усан боомт/ дээр тусгай журмын дагуу хилээр шалган нэвтрүүлнэ. Энэ тусгай журам нь дараах арга хэмжээг багтааж байна.

– зорчигчийн биеийн халууныг хэмжинэ.
– зорчигч эрүүл мэндийн асуумж бөглөнө.
– зорчигч аялалын мэдүүлэг бөглөнө.

Зорчигч мэдүүлэгтээ БНСУ-д ашиглах утасны дугаар, оршин суух хаягаа тодорхой бичнэ. Хилийн байцаагч мэдүүлгийг нэг бүрчлэн шалгаж нягтлах бөгөөд холбоо барих утасны дугаар байхгүй эсвэл мэдүүлэгт бичсэн утасны дугаар нь зөрүүтэй тохиолдолд хилээр оруулахгүй.
– зорчигч өөрийн ашиглаж буй ухаалаг гар утсанд эрүүл мэндийн аппликейшныг суулгаж, эрүүл мэндийн байдлаа 14 хоногийн хугацаанд өдөр бүр уг аппликейшнээр дамжуулан мэдээлнэ. Тухайн хүнд коронавирусын халдварын эхний шинж тэмдэгүүд дараалан 2 өдөр илэрсэн тохиолдолд Солонгосын Халдварт өвчин судлалын төвөөс холбогдох арга хэмжээ авна.

Солонгосын Засгийн газар дээрх арга хэмжээнд өнөөдрийг хүртэл БНХАУ, Япон, Иран, Европын 5 /Франц, Герман, Испани, Их Британи, Нидерланд/ улсаас ирж буй гадаад, дотоодын бүх зорчигчдыг хамруулж ирсэн.

Эх сурвалж: Embassy of Mongolia in Seoul

Сэтгэгдэл үлдээх