Ажлаа хийгээгүй ПАРЛАМЕНТЫН гишүүдийг цалингаа коронавирусийн эсрэг хандивлахыг шаарджээ

0
48

БНСУ-д иргэд цахимаар өөрсдийн хүсэлт шаардлагаа өргөн барьдаг хуудас байдаг бөгөөд тус хуудсыг Мүн Жэ Ин ерөнхийлөгчийн ажлаа хүлээн авсны 100 дах хоног болох 2017 оны 8 сарын 17-нд нээсэн байна. Уг хуудсанд иргэд  чөлөөтэй бүртгүүлэн орж улс орны холбогдох салбарын санал хүсэлтээ бичих эрхтэй аж. Мөн хуудсанд иргэдийн санал тавигдаад 30 хоногийн дотор 200 мянган иргэд дэмжсэн бол төр болон цэнхэр ордны холбогдох хүмүүс (яамдын сайд нар, ерөнхийлөгчийн нарийн бичгийн дарга, тусгай туслах нар г.м) иргэдийн санал хүсэлтийг харгалзан үзэж шийдвэрлэх арга хэмжээ авдаг байна.

Тэгвэл саяхан уг хуудсанд тавигдсан нэгэн иргэний санал хүсэлт олны анхаарлыг татжээ. Тус хүсэлтэд коронавирусийн улмаас хүнд байдалд байгаа ард иргэддээ их хурлын гишүүд цалингаа буцааж өгч эсвэл их хурлын гишүүдийн цалингийн төсвийг хасахыг санал болгож байна гэсэн агуулгатай аж. Уг санал энэ сарын 12-ны өдөр тавигдсан бөгөөд ирэх 4 сарын 18-ны өдөр хүртэл иргэд чөлөөтэй санал өгөх боломжтой юм. Тэгвэл тус санал 3 сарын 18-ны өдрийн байдлаар хэдийн 272,740 иргэн дэмжиж төрөөс албан ёсны хариуг иргэдэд өгөх нөхцөлийг нь хангаад байна.

Иргэний тавьсан санал хүсэлтийг товчлон хүргэвэл

“Коронавирусийн улмаас болж эдийн засаг болон оюун санаагаар хүнд байдалд байгаа ч хамтдаа давж гарахын төлөө зүтгэж байгаа нэгэн иргэн байна. Ерөнхийлөгч болон БНСУ-ын иргэн хэн ч байсан надтай адилхан байдалд байгаа гэж бодож байна.
Бүгдээрээ хүнд байдалд байгаач гэсэн өнцөг булан бүрд бие биенээ дэмжин хамтын хүчээр энэ байдлаас гарахын төлөө нэгэн гэр бүл хөршүүд шиг хүч чадлаа дайчилж сайн байрны эзэд, хоол хүргэгчид, эмнэлгийн ажилчид дор бүрнээ дэм өгч мэрийж байгаа. Сурагчдын цуглуулсан хандив, хувийн аж ахуйн нэгжүүд, үйлдвэрүүд, түр ажилчид, залуучууд гээд бүх нийгмийн давхаргын хүмүүс энэ хүнд үеийг давах туулахын төлөө бүх нөөц бололцоогоо дайчилж байна.
Үйлдвэрүүд ажилчдынхаа зөвшөөрлөөр цалингаа хандивлаж, хэдий орлого бага үйл ажиллагаа нь зогссон ч аж ахуйн нэгж жижиг дунд үйлдвэр үйлчилгээний газрын эзэд ажилчид ч гэсэн хөлсөө дуслуулан олсон мөнгөө хандивлаж байна.
Харилцан бие биедээ туслахын төлөө бүгд тэмцэж байхад энэ удаа их хурлын гишүүд сайн дураараа цалингаасаа татгалзаж, цалингийнхаа төсвийг хасаж өнгөрсөн хугацаанд үйлдсэн буруу зүйлээ засах боломжийг ашиглан улс орныхоо тусын төлөө хийх ёстой гэж бодож байна.
Ард түмэн их хурлын гишүүдийг сонгож ард түмний төлсөн татвараар цалинжиж байгаа ч өнгөрсөн онд их хурлын хуралдаан хэдэн сараар хийгдээгүй хаалттай байсан билээ. Улсын их хурлын гишүүдийг энгийн нэгэн ажилчин хэмээн үзвэл ажил хийгээгүйтэй ялгаагүй мөртөө цалингаа авсан байна. Энгийн ажилчид ажилдаа очоогүй ажлаа хийгээгүй бол цалингүй гэдгийг бүгд мэднэ. Ажлаа хийгээгүй байж ард иргэдийн татвараар цалин аваад зүгээр байгаа гишүүд ичихгүй байна уу
Гишүүд та бүхэн ч гэсэн биднийг өөрсдийнхөө оронд тавьж бодож үзээсэй гэж хүсэх байна” хэмээн бичжээ.

Мэдээг Дункүк их сургуулийн докторант Ира

 

Сэтгэгдэл үлдээх