4 сарын 1-нээс эхлэн БНСУ-ын хилээр орсон иргэдийг тусгаарлана

0
84

Сүүлийн үед гадаад улс орноос БНСУ-д коронавирусийн халдвар тээж очсон иргэдийн тоо нэмэгджээ. Шинээр коронавирусийн тохиолдол бүртгэгдэж байгаагийн 39% нь гадаадаас орж ирсэн тохиолдол байгаатай холбоотойгоор дараах арга хэмжээг авч эхэлжээ.

БНСУ-н Гамшгийн аюулаас сэргийлэх төвөөс ирэх 4 сарын 1-ний 00 цагаас эхлэн гадаадын орнуудаас ирсэн бүх хүнийг 14 хоног тусгаарлах шийдвэр гаргасан байна.

ЭМЯны сайд Пак Нын Хү “Дэлхий даяар коронавирусийн тархалтын тоо нь өдөр ирэх тусам ихсэж байгаатай холбоотой Солонгосын хилээр нэвтрэх бүх зорчигчдыг 2 долоо хоногийн тусгаарлахаар боллоо” хэмээжээ.

Энэхүү арга хэмжээг гадаад дотоодын аль ч улсын иргэн байсан, БНСУ-д урт хугацаагаар оршин суух иргэд байсан ч хамаагүй хилээр нэвтрэх бүх хүмүүст хамаарах аж.

Солонгос улсад өөрийн гэсэн оршин суух орон байргүй тохиолдолд Засгийн газар болон орон нутгийн өөрөө удирдах байгууллагуудаас хангасан тусгаарлах байранд байрлаж тусгаарлагдана.

Пак сайд нь “Өөрийгөө тусгаарлах нь заавал хийх зүйл ёстой зүйл бөгөөд гарч орохыг хатуу хязгаарлана” гэж онцолжээ.

Гадаад дотоодын иргэн харгалзахгүй бэлдэж өгсөн тусгаарлах байрыг ашиглах тохиолдолд зардлыг өөрсдөө төлөх ёстой бөгөөд дунджаар нэг өдрийн 100,000 воны үнэтэй, 14 хоновол ойролцоогоор 1сая 400,000 вон орчим болох ажээ.
Энэ нь 4 сарын 1-нээс хойш хилээр орж ирсэн хүмүүст хамаарагдана бөгөөд түүнээс өмнө орж ирээд аль хэдийн тусгаарлах байранд байгаа хүмүүст хамаарагдахгүй байна.

Мөн өмнө нь өөрийгөө тусгаарлахгүй хяналтад байсан бүх хүмүүс өөрийгөө тусгаарлах ёстой гэлээ.

Түүнчлэн Пак сайд нь “Богино хугацаагаар орж ирсэн гадаад иргэд 2 долоо хоног өөрийгөө тусгаарлагдана гэдгийг бодолцож орж ирэх шаардлагатай” гэж хэлжээ. Мөн “Олон нийтийн болон улсын эрх ашгийн төлөө болон эдийн засгийн үйл хэрэг, эрүүл мэнд, эрдэм шинжилгээ, хүмүүнлэгийн ажлаар БНСУ-д ирсэн иргэдийг тусгайлан харж үзнэ” гэжээ.
Энэ тусгайлан харж үзэхэд A1(дипломат харилцаа), A2 (албаны ажил), A3 (гэрээ хэлэлцээр) байх тохиолдол орох ажээ.

Тусгаарлалтад орохгүй тусгай тохиолдолд хамрагдахын тулд ирэхээсээ өмнө БНСУ-н тус улсад орших элчин сайдын яамнаас дээр дурдсан тусгайлан харж үзэх зорилго бүхий айлчлалыг хүлээн зөвшөөрөх “Өөрийгөө тусгаарлахаас чөлөөлөх” бичгийг авсан байх ёстой.
Ингэж чөлөөлөгдсөн түр хугацаагаар ирсэн гадаад иргэний хувьд тусгаарлалтад орохгүй ч, онгоц буудал дээр коронавирусийн шинжилгээнд хамрагдан хариу ‘сөрөг’ гарсныг шалгасны дараа хяналтад орох юм байна. Энэ хяналт нь эрүүл мэндийн аппликэйшнийг утсандаа суулган, өдөр бүр утсаар холбогдон шалгах арга юм.

Хэрэв хилээр орж ирж байгаа үедээ коронавирусийн шинж тэмдэг илэрвэл (гадаад дотоод ялгаагүй) шууд шинжилгээнд оруулах ба шинжилгээний хариу сөрөг гарсны дараа 14 хоног өөрийгөө тусгаарлах болно.

Өмнө нь орж ирээд 2 долоо хоног болоогүй хүмүүст орж ирсэн өдрөөсөө хойш тооцоод 14 хоног өөрийгөө тусгаарлахыг мессэжээр мэдэгдэх ба, шинж тэмдэг илэрч байгаа хүмүүсийг шинжилгээнд орохыг зааварчилна.

Ташрамд дурдахад, Солонгос улсад тусгаарлалтад байх хугацаандаа нууцаар гадагшаа гарах, олон нийтийн газраар явах, тусгаарлалтыг зөрчсөн тохиолдолд 1 жил хүртэлх хорих ял эсвэл 10 сая хүртэлх воны торгууль ногдуулдаг хуультай болж байгааг анхаарна уу.

Эх сурвалж: YNA мэдээ.
Мэдээг хүргэсэн Ж.Нармандах

Сэтгэгдэл үлдээх