БНАСАУ гадаадын иргэдэд тогтоосон хорио цээрийг хэсэгчлэн цуцалжээ

0
47

ПЁНЬЯН. /TASS/. БНАСАУ-ын эрх баригчид коронавирусний халдвар тархахаас урьдчилан сэргийлэх зорилгоор Пёньян хот дахь гадаадын Элчин сайдын яамд болон олон улсын байгууллагуудын ажилтнуудад хоёрдугаар сарын эхээр тогтоосон хорио цээрийн арга хэмжээгээ хэсэгчлэн цуцалжээ. Энэ тухай БНАСАУ дахь ОХУ-ын Элчин сайдын яам Facebook хуудсандаа мэдээлсэн байна.

БНАСАУ-д буй гадаадын иргэдийг дөрөвдүгээр сарын 2-ноос эхлэн тус улсын нийслэл хотын бүх дэлгүүр, зоогийн газар, ахуйн үйлчилгээний газар болон Тонил гудамжинд байрлах Төв захаар үйлчлүүлэхийг зөвшөөрчээ.

Үүний зэрэгцээ БНАСАУ-ын эрх баригчид “хүн амд үйлчлэх цэг бүрт мөрдөгдөж буй журмыг үргэлжлүүлэн дагаж мөрдөхийг, ялангуяа амны хаалт байнга зүүхийг” зөвлөсөн байна. ОХУ-ын Элчин сайдын яамнаас мэдээлж байгаагаар, ийм шаардлагуудыг одоо тус улсад хэрэгжиж байгаа Цар тахлын эсрэг улсын онцгой байдал бүрэн цуцлагдах хүртэл хэрэгжүүлэх аж.

Эх сурвалж: montsame.mn

Сэтгэгдэл үлдээх