БНСУ-д коронавирусийн халдварын тоо 53-аар нэмэгджээ

0
49

Өнөөдрийн /2020.04.08/ байдлаар БНСУ-д COVID19 өвчин туссан хүний тоо 53-р нэмэгдэж нийт 10,384 иргэн коронавирусийн халдвар авчээ.

Энэ өдөр нас барсан тохиолдол 8-аар нэмэгдэж нийт 200 болж, эдгэж тусгаарлалтаас гарсан хүн 82-оор нэмэгдэж 6,776 болж, шинжилгээнд хамрагдаж байгаа хүний тоо 17,858 байна. Мөн гадаадаас зорчиж ирсэн, хилийн хорио цээрийн бүс дахь коронавирусийн тохиолдол нийт 338 болжээ.

Түүнчлэн Сөүлийн Каннам дүүргийн нэр бүхий нэгэн зугаа цэнгээний газарт ажилладаг 36 настай А-аас (4 сарын 2) болон түүнтэй нэг өрөөнд байдаг эмэгтэйгээс (4 сарын 6) коронавирус илэрчээ. Одоогоор тус иргэдийг Япон яваад өнгөрсөн сарын 24-нд ирсэн Б-гээс халдвар авсан гэж үзэж байгаа юм.
Б (38 настай) нь 3 сарын 24-нд Японоос Солонгост ирээд 27-ноос эхэлж шинж тэмдэг илрэн улмаар 31-нд шинжилгээ өгөөд, 1-нд коронавирусийн халдвартай нь илэрчээ. Одоогоор эдгээр хүмүүсийн хавьтагчийг шалгаж байгаа аж. Уг хэргээс үүдэн зөвхөн хүмүүс олноороо цугларч байгаа сүм, интернет кафе гэлтгүй шөнийн цэнгээний газруудад ч мөн хяналт шалгалт тавих шаардлагатай байгааг сануулсан байна.

Мэдээллийг Ж.Нармандах, 2020.04.08, Солонгос улс.

Сэтгэгдэл үлдээх