БНСУ коронавирусний улмаас гадаадын 60 мянган иргэний визийг сунгажээ

0
80

СӨҮЛ. /RIA Novosti/. БНСУ-ын Хууль зүйн коронавирус тархахаас урьдчилан сэргийлэх үүднээс тус улсад оршин суух хугацаа нь удахгүй дуусаж байгаа гадаадын 60 мянга орчим иргэний визийн хугацааг гурван сараар сунгажээ.

Харин Е-9 (мэргэжлийн бус ажилчид) болон Е-10 (усан онгоцны ажилчин) ангиллын виз автоматаар сунгагдахгүй бөгөөд ийм виз эзэмшигчдэд онлайнаар сунгуулах журмыг санал болгох аж. Энэхүү арга хэмжээ нь цагаачлалын албанд очих хүмүүсийн тоог бууруулахад тусална гэж Хууль зүйн яамныхан үзэж байгаа аж. Учир нь виз сунгах өргөдөл нь нийт ажлын ачааллын 30 хувийг эзэлдэг бөгөөд өдөр бүр дунджаар 2559 гаруй виз сунгах хүсэлт өгдөг байна.

Хоёрдугаар сарын 24-нд БНСУ-ын Засгийн газар 130 000 гаруй гадаад иргэний визийг тавдугаар сарын 30 хүртэл автоматаар сунгасан байна.

Тус улсад коронавирусний халдвар авсан хүний тоо 10423-т хүрч, 6900 хүн эдгэрсэн бол 204 хүн нас баржээ.

Эх  сурвалж: montsame.mn

Сэтгэгдэл үлдээх