Солонгост маргааш парламентын сонгууль болно

0
55

Солонгост сүүлийн өдрүүдэд сонгуулийн сурталчилгаа ид өрнөж байгаа бөгөөд маргааш албан ёсоор /2020.04.15/ 21 дэх удаагийн парламентын сонгуулийн өдөр тохиож байгаа юм. Энэ сарын 10,11-ний өдрүүдэд сонгуулийн өдөр санал өгөх боломжгүй, хүндэтгэх шалтгаантай хүмүүсийг сонгуульд хамруулах зорилгоор урьдчилсан санал хураалт явуулсан. Урьдчилсан санал хураалтаар сонгуулийн насны нийт иргэдийнх нь 26,7% саналаа өгчээ.

Мөн коронавирусийн тархалттай холбоотой хүн болгоныг заавал маск зүүж сонгуулиа өгөх ёстойг муж бүрдээ сурталчилж байгаа юм. Түүнчлэн урьдчилан сонгуулийн үеэр нэвтрэх хаалганы өмнө нэг удаагийн бээлий тарааж, иргэдийг маск зүүсэн эсэхийг шалган тодорхой зайтай оочирлуулан биеийн халууныг шалгаж байжээ.

Солонгосын парламентын сонгуулийн урьдчилсан санал хураалт харьцангуй өвчин тархах аюул багатай нөхцөлд явагдаж байгаа бөгөөд бодитоор урьдчилсан санал хураалтын үед саналаа өгч байгаад коронавирусийн халдвар тохиолдол бүртгэгдээгүй байна.

Мэдээллийг Ж.Нармандах, 2020.04.14.

Сэтгэгдэл үлдээх