Ким Жөн Унаас захидал хүлээн авсан тухай мэдэгдлийг няцаажээ

0
45

ПЁНЬЯН. /KCNA/. Удирдагч Ким Жөн Ун АНУ-ын Ерөнхийлөгч Дональд Трампт захидал илгээгээгүй хэмээн БНАСАУ-ын Гадаад хэргийн сайд Ли Сон Гвон мэдэгджээ. Ким Жөн Унаас “сайхан захидал” хүлээн авсан тухай Д.Трамп өнгөрсөн бямба гарагт Цагаан ордонд болсон хэвлэлийн бага хурлын үеэр мэдэгдсэн юм.

“Ерөнхийлөгч Дональд Трамп өмнөх захидлуудын талаар дурдсан байж магадгүй юм. Манай удирдагч АНУ-ын Төрийн тэргүүнд ойрын хугацаанд захидал илгээгээгүй” хэмээн тэрбээр хэлжээ.

2018 оны 6 дугаар сард Сингапурт АНУ, БНАСАУ-ын түүхэн дэх анхны дээд хэмжээний уулзалт болж, уулзалтын дүнд талууд хамтарсан мэдэгдэл гаргасан юм. Тэр үед АНУ БНАСАУ-д аюулгүй байдлын баталгаа олгож байгаагийн хариуд БНАСАУ-ын эрх баригчид Солонгосын хойгийг цөмийн зэвсгээс ангижруулах үүргийг хүлээсэн юм. Хоёр дахь удаагийн дээд хэмжээний уулзалт 2019 ны 2 дугаар сард Ханой хотод болсон. Энэ үеэр хоёр улсын удирдагч хэд хэдэн уулзалт хийсэн хэдий ч тохиролцоонд хүрч чадаагүй бөгөөд хамтарсан мэдэгдэлд гарын үсэг зураагүй юм. 2019 оны 6 дугаар сарын 30-нд Д.Трамп, Ким Жөн Ун нарын 3 дахь уулзалт болсон юм.

Өнгөрсөн оны 10 дугаар сарын 5-нд АНУ, БНАСАУ-ын төлөөлөгчид Шведэд уулзсан хэдий ч зөвлөлдөх уулзалт үр дүнгүй өндөрлөсөн юм. Тухайн үед БНАСАУ-ын төлөөлөгчдийн тэргүүн Ким Мён Гиль яриа хэлэлцээ бүтэлгүйтсэн тухай мэдэгдэж, байр суурийнхаа талаар сайтар бодож үзэхийг америкийн талд зөвлөжээ. Харин Төрийн Департамент ийнхүү үзэж байгааг хүлээн зөвшөөрөөгүй бөгөөд уулзалтыг үр дүнтэй болсон гэж үзсэн байна.

Эх сурвалж: montsame.mn

Сэтгэгдэл үлдээх