Солонгосын хамгийн их хандалттай сайтын сөрөг сэтгэгдэл 50 хувиар буурчээ

0
50

Сэтгэгдэл бичиж байгаа хүний хувийн мэдээллийг ил болгосноор Naver сайтын сөрөг сэтгэгдэл 50 хувиар буурчээ.
Солонгосчуудын хамгийн их ханддаг Naver сайтын мэдээлэлд сөрөг сэтгэгдэл бичих нь эрс багасжээ. Күгмин илбу сонинд бичсэнээр “Naver сайт мэдээний сөрөг сэтгэгдлийг хязгаарлах арга хэмжээ авснаар 50 өдрийн дотор сөрөг сэтгэгдэл бичих хувь 50 хувиар буурсан” хэмээн бичсэн байна. Тус сайтаас 3-р сарын 5-наас эхлэн алдартнуудын талаарх мэдээлэлд сэтгэгдэл бичих хэсгийг түр хаасан бөгөөд цаашлаад мэдээнд сэтгэгдэл бичиж байгаа хэрэглэгчийн мэдээллийг нээлттэй харуулдаг болжээ. Ингэснээр сэтгэгдэл бичиж байгаа хүн сэтгэгдэл бичихдээ хувийн мэдээллийг нь хүмүүс харж байгаа гэдгээс болгоомжлон сөрөг сэтгэгдэл бичих нь багассан байна. Мөн 4 сарын 2-ны өдөр өөрийгөө баталж сэтгэгдэл бичих системийг нэвтрүүлжээ. Харин энэ сарын 9-ны өдрөөс эхлэн спортын мэдээнд сэтгэгдэл бичиж буй хүний хувийн мэдээллийг мөн бусдад ил болгодог болжээ. Ингэснээр энгийн мэдээ, алдартнуудын болон спортын мэдээний сэтгэгдэлд тавих хяналтаа нэмэгдүүлжээ. Мөн өмнө нь хэн нэгнийг харааж зүхсэн сэтгэгдлээ засаж, өөрчлөх хувь ч нэмэгдсэн байна.

Солонгос мэдээ булан

WWW.MGLRADIO.COM

 

 

 

Сэтгэгдэл үлдээх