Тусгаарлагдаж байсан иргэн нууцаар гарч ажил хийж байгаад баригджээ

0
59

БНСУ-д улсад тусгаарлагдаж байх хугацаандаа Вьетнам улсын иргэн тусгаарлалтаас гарч үйлдвэрт ажиллаж байгаад баригджээ. Өнөөдөр /2020.04.23/ Чонбуг мужийн цагдаагийн ерөнхий газраас “3 сарын 19-ны өдөр Солонгос улсын хилээр орсон 21 настай Вьетнам улсын иргэн А-г тусгаарлалтаас гадагш гарсныг барьсан” хэмээн мэдэгдсэн байна. Тэрээр 16-ны өдрөөс эхлэн тусгаарлагдаж байсан байрнаасаа гарч 5 хоногийн турш нууцаар үйлдвэрт ажиллаж байжээ. Мөн  А нь хамт тусгаарлагдаж байсан нутаг нэгт найздаа гар утсаа үлдээн ажилд гарсан байна. Ингэснээр түүний найз А-гын оронд өдөрт хоёр удаа тусгаарлагдсан иргэдийг шалгах аппруу орж биеийн байдлыг нь хэвийн байгаа хэмээн мэдээлдэг байжээ. Тусгаарлалтаас гарсан иргэн А-гын байрлаж байсан Чонжү хотын зүгээс тусгаарлалтад байсан гадаад иргэнийг гадагш гарсныг мэдээгүй бөгөөд түүний өрөөний найз 21-ны өдөр аппруу орж бүртгүүлэхээ мартсанаас үүдэн түүнийг тусгаарлалтаасаа гарсан гэдгийг олж мэджээ. Чонжү хотын А болон түүний өрөөний найзад тодорхой хэмжээний хариуцлага хүлээлгэхээ мэдэгдсэн байна.

Солонгос мэдээ булан

WWW.MGLRADIO.COM

Сэтгэгдэл үлдээх