Хашаандаа хар тамхины төрлийн ургамал тарьж байжээ

0
93

Өнөөдөр /2020.04.28/ Чэжү хотын тэнгисийн цагдаагийн газраас мансууруулах бодисын тухай хууль зөрчсөн хэмээн 80 настай А-г баривчилжээ. А нь  Чэжүд байрлах гэрийнхээ хашаанд хар тамхины төрлийн ургамал болох намуу цэцгийг их хэмжээгээр тарьж байсан бөгөөд тус цэцгийн үрийг хар тамхи хийхэд ашигладаг байна. Намуу цэцэг нь 4 сарын дунд үеэс 6 сарын сүүл хүртэл цэцэглэдэг ба үр нь өвчин намдааж мансууруулах үйлчилгээтэй аж. Тэнгисийн цагдаагийн газраас “Эмнэлэгт байнга очих боломжгүй төв суурин газраас хол байдаг иргэд уг ургамлыг өвчин намдаагчаар ашиглах зорилгоор нууцаар тарих тохиолдол байдаг ч энэ удаагийх шиг хот суурин газар тарьж байсан тохиолдол тун цөөн” хэмээжээ. Одоогийн байдлаар цагдаагийн газраас тус иргэний хар тамхины төрлийн ургамал тарих болсон шалтгааныг тодруулж байгаа ажээ.

Солонгос мэдээ булан

WWW.MGLRADIO.COM

Сэтгэгдэл үлдээх