Эрүүл мэндэд сөргөөр нөлөөлдөг ажлын байрууд

0
42

 

БНСУ-ын хөдөлмөр эрхлэлт, хөдөлмөр хамгааллын яамнаас гаргасан 2018 оны хөдөлмөр эрхлэлтийн талаарх судалгаанд хамгийн хүнд ажлын байруудыг танилцуулжээ.
Эрүүл мэнд болоод бие махбодод сөрөг нөлөөтэй ажил хийж байсан эсэх талаарх судалгаанд оролцсон 4000 гаруй иргэдийн 71,32% хувь нь тийм хэмээн хариулсан байна. Ажлын байран дээрээ осол аваарт өртөөгүй хэдий ч өдөр бүр хийж байгаа ажил нь нуруунд ачаалал өгч өвдөх тохиолдол их байдаг гэжээ. Түүнчлэн ажил эрхлэгчдийн хариултаас үзэхэд зөвхөн нуруу гэлтгүй ямар ажил эрхэлдгээс шалтгаалан мөр, гарын үе өвдөх тохиолдол их байсан байна.
Тэгвэл нуруунд хамгийн их нөлөөлдөг ажлын байраар автобусны жолооч, таксины жолооч, том тэрэгний жолооч, хүргэлтийн ажил, компьютер ашигладаг ажлууд багтжээ. Өдөржингөө жолоо барих нь нурууны булчинг хөшөөж цусны эргэлтийг удаашруулж таргалуулдаг байна. Харин хүргэлтийн ажил хийснээр байнга хүнд ачааг өргөж буулгаж улмаар мөрөнд хүнд ачаалал өгдөг ажээ. Түүнчлэн оффист ажилладаг хүмүүсийн хувьд байнгаа компьютерын дэлгэц ширтэн гараа байнгаа хөдөлгөснөөр гарын үеэр өвдөх, чилэх тохиолдол их гарч байгаа талаар судалгаанд дурджээ.

 

Солонгос мэдээ булан

WWW.MGLRADIO.COM

Сэтгэгдэл үлдээх