Өнөөдрөөс Солонгост зургаа хоногийн урт амралт эхэлж байна

0
52

Өнөөдрөөс /2020.04.30/ эхлэн ирэх 5 сарын 5-ны өдөр хүртэл Солонгос улсад урт хугацааны амралт эхэлж байгаа билээ. Уг амралтын хүрээнд Чэжү арлыг л гэхэд 200 гаруй иргэн зорчих талаар мэдээлэл гарчээ. Тиймээс онгоцны буудлаас иргэдийн халууныг үзэж халуунтай байгаа тохиолдолд шууд коронавирусийн шинжилгээнд хамруулах, аялж явахдаа маск заавал зүүх, машин түрээсэлж авах тохиолдолд эрүүл мэндийн байдлаа тайлагнах зэрэг арга хэмжээг авах бөгөөд аялал жуулчлалын бүс газрууд болон олон нийтийн ариун цэврийн өрөөнд өдөрт 2 удаа ариутгал хийх аж. Мөн галт тэрэгний буудал болон автобусны буудлуудад зайнаас халуун хэмжигч байршуулж иргэдийн халууныг хэмжих юм байна. БНСУ-д коронавирусийн тохиолдол буурч байгаа хэдий ч урт амралтын өдрүүдэд иргэд аялж салхинд гарах нь нэмэгдсэнээр дахин халдварын тоо нэмэгдэхээс сэргийлэн аялал жуулчлалын  газрууд өндөржүүлсэн бэлэн байдалтайгаар иргэдийг хүлээж авах ажээ.

Солонгос мэдээ булан

WWW.MGLRADIO.COM

Сэтгэгдэл үлдээх