Солонгост өнөөдөр халдварын тоо бүртгэгдээгүй

0
106

Солонгос улсад 2 сарын 18-ны өдөр коронавирусийн анхны тохиолдол бүртгэгдсэнээс хойш 72 өдрийн дараа буюу өнөөдөр /2020.04.30/ коронавирусийн халдварын тоо шинээр бүртгэгдээгүй ба гаднаас зөөвөрлөгдөн ирсэн 4 тохиолдол бүртгэгджээ. Одоогийн байдлаар БНСУ-д нийт 10,765 иргэн коронавирусийн халдвар авч 9,059 иргэн эдгэрч 247 иргэн нас барсан байдалтай байгаа юм.

Солонгос улсын хувьд коронавирусийн халдварын үед сонгуулийн үйл ажиллагаа явуулсан билээ. Олон улсын хувьд Солонгост сонгуулийн үеэр халдварын тоо нэмэгдэхвий хэмээн сонгуулийн үйл явцыг ажиглаж байсан юм. Тэгвэл БНСУ-д болсон 21 дах удаагийн парламентын сонгуулийн үеэр саналаа өгч байгаад халдвар авсан нэг ч иргэн бүртгэгдээгүй аж. Дээрээс нь 1992 онд хамгийн өндөр сонгуулийн ирц 71,9% бүртгэгдсэнээс хойш хамгийн их хүн санал өгсөн 2 дахь тохиолдол болсон байна. Энэ мэтчилэн халдварт өвчний үед болсон сонгууль тун амжилттай дуусжээ. Харин бусад улс орнуудын хувьд Англи улс бүс нутгийн сонгуулиа хойшлуулж, Франц ч мөн 6 сар хүртэл сонгуулиа хойшлуулсан аж. Мөн удахгүй сонгууль явагдах Америк, Хонконг, Сингапур улсын хувьд Солонгос улсаас суралцан сонгуулийн ажлаа явуулах талаар дурдсан байна. Өвчний үед Солонгос улс иргэддээ чиглэсэн маш олон арга хэмжээг авсан бөгөөд иргэд хоорондоо 1-ээс 2 метр цай барих, шаардлагагүй бол гадагш гарагүй байх гэх мэт арга хэмжээг авч өнөөдөр халдварын тоо нэг ч бүртгэгдээгүй бөгөөд Солонгос улс цаашид ч халдвар нэмэгдэхээс сэргийлэхээ мэдэгдсэн байна.

Солонгос мэдээ булан

WWW.MGLRADIO.COM

Сэтгэгдэл үлдээх