БНСУ-д халдварын улмаас нас барсан иргэдийн дийлэнх нь 70-аас дээш насныхан байна

0
52

Өчигдөр БНСУ-д коронавирусийн халдварын тоо бүртгэгдэлгүй зөвхөн гаднаас зөөвөрлөгдөн ирсэн 4-н тохиолдол бүртгэгдсэн билээ. Тэгвэл өнөөдөр /2020.05.01/ коронавирусийн халдварын тоо 9-өөр нэмэгдсэн бөгөөд 8-н тохиолдол зөөвөрлөгдөн ирсэн бол дотроосоо нэг тохиолдол нэмж бүртгэгджээ. Солонгост коронавирусийн анхны тохиолдол 2 сарын 18-ны өдөр бүртгэгдэж 3 сард хамгийн их халдвар авсан иргэд бүртгэгдсэн байна. Мөн одоогийн байдлаар БНСУ-д 10,774 иргэн коронавирусийн халдвар авч 9,072 иргэн эдгэрч, 248 иргэн нас бараад байгаа юм. Эрүүл мэндийн байгууллагаас нас барсан иргэдийн 117 нь эмэгтэй, 130 эрэгтэй байсан бол насны хувьд дунджаар 70 аас дээш насны иргэд байсан талаар мэдэгджээ. Түүнчлэн нас барсан иргэдийн дийлэнх нь ужиг хууч өвчтэй байсан бөгөөд иргэдийн 53,4% нь эмнэлэг болон олон нийтийн газраас халдвар авсан бол 10,5% нь Шинчонжи сүмээс, 8,5% нь коронавирусийн халдвар авсан хүнээс харин үлдсэн 27,5 % хаанаас халдвар авсныг судалж байгаа юм.

Солонгос мэдээ булан

WWW.MGLRADIO.COM

Сэтгэгдэл үлдээх