БНСУ-д гурав хоногийн дараа дотроосоо дахин халдвар бүртгэгджээ

0
68

БНСУ-д гурван хоногийн турш коронавирусийн халдвар дотроосоо бүртгэгдэлгүй тайван байсан хэдий ч өчигдөр /2020.05.06/ Юнин хотын иргэн коронавирусийн халдвар авсан тохиолдол бүртгэгджээ . Тус иргэн нь 20 гаруй насны компаний ажилтан бөгөөд түүний явсан маршрутыг шалган бусдад коронавирусийн халдвар тараасан эсэхийг шалгаж байгаа аж. БНСУ-д коронавирусийн халдвар авсан иргэдийн 80 гаруй хувь нь олноороо нэг дор халдвар авсан тохиолдлууд байсан юм. Түүнчлэн Солонгос улсад саяхан урт хугацааны амралт болж өчигдрөөс зарим үйлчилгээний газрууд нээгдэж хөл хөдөлгөөн ихсэж байгаа учир дахин халдвар авсан хүмүүсийн тоо нэмэгдэхээс сэргийлж байгаа аж. Гачон их сургуулийн Гил эмнэлгийн эмч Ом Жүн Шиг “Халдвар авсан иргэдийн тоо багассан хэдий ч одоогоор санаа амрахад эрт байна. Дахиад олноороо халдвар авах магадлал байгаа ялангуяа саяхан болсон урт амралтын дараа халдварын тоо дахин нэмэгдэх магадлалтай байгаа тул цаашид ажиглах шаардлагатай” хэмээн хэлжээ.

Солонгос мэдээ булан

WWW.MGLRADIO.COM

Сэтгэгдэл үлдээх