Халдвар авснаа мэдэлгүй Бусан руу аялалд яваад иржээ

0
107

Инчон хотын зүгээс Намдун дүүргийн оршин суугч 29 настай А-гын коронавирусийн шинжилгээний хариу эерэг гарсан талаар мэдээлсэн байна. Тус иргэн халдвар авснаа мэдэхгүй энэ сарын 8, 9-ны өдрүүдэд найзуудтайгаа хамт Бусан руу аялалд яваад иржээ. Мөн халдварын шинж тэмдэг илэрсэн 10-ны өдөр караоке, тоглоомын төв, цайны газраар орсон байна. Одоогийн байдлаар Солонгос улсын өвчинд хяналт тавих, урьдчилан сэргийлэх байгууллагаас тус иргэнийг шинжилгээнд хамрагдахаасаа өмнө ямар газруудаар явсныг нарийн судалж байгаа юм. Солонгос улсын хувьд коронавирусийн халдварын тоо багасаж байсан хэдий ч саяхан халдвар авсан иргэн Итэвоны шөнийн цэнгээний газраар халдвар тараасны улмаас Итэвоны шөнийн цэнгээний газраар үйлчлүүлсэн иргэдээс коронавирусийн шинжилгээ авч байгаа юм. Харин тус иргэн Итэвоны шөнийн цэнгээний газраас үйлчлүүлээгүй хэмээн хэлсэн аж.

Солонгос мэдээ булан

WWW.MGLRADIO.COM

Сэтгэгдэл үлдээх