Халдвар авсан 104 настай иргэний биеийн байдал сайжирчээ

0
87

БНСУ-д одоогийн байдлаар 10,991 хүн коронавирусийн халдвар авч, 9,762 хүн эдгэрч, 260 хүн нас бараад байгаа юм. Халдвар авсан иргэдийн 58,9% нь эмэгтэй, 41,1% нь эрэгтэй байгаа аж. Мөн коронавирусийн халдвар авсан иргэдийн мэдээллээс үзэхэд 0-ээс 9 насны 143 хүүхэд, 10 насны 614 хүүхэд, 20 гаруй насны 3,056 иргэн, 30 гаруй насны 1,202 иргэн, 40 гаруй насны 1,451 иргэн, 50 насны 1,964 иргэн, 60 насны 1,359 иргэн, 70 насны 712 иргэн, 80 насны 490 иргэн халдвар авчээ. Тэгвэл халдвар авсан иргэд дундаас хамгийн өндөр настай буюу 104 настай Чой өндөр настны биеийн байдал сайжирч байгаа талаар өнөөдөр /2020.05.14/ SBS телевизээр мэдээлжээ. Тус эмээ 2012 оноос Гёнсанд байрлах өндөр настны асрамжийн газарт амьдарч байгаа бөгөөд 3 сарын эхээр тус асрамжийн газарт халдвар авсан хүн гарч тэрээр халдвар авсан байна. Тэрээр Пуханы эмнэлэгт хоёр сар гаруй хугацаанд эмчлүүлж байгаа аж. Одоогийн байдлаар Чой эмээгээс авсан шинжилгээний хариунууд сөрөг гарч байгаа хэдий ч эмнэлгээс гараад дахин өндөр настны асрамжын газар очих тул дахин хэд хэдэн удаа шинжилгээ авч сөрөг гарсан тохиолдолд гаргахаар болсон талаар Пуханы эмнэлгээс мэдэгджээ.

Солонгос мэдээ булан

WWW.MGLRADIO.COM

Сэтгэгдэл үлдээх