БНСУ-д коронавирусийн халдварын тоо нэмэгдэх хандлагатай байна

0
99

Өнөөдрийн/2020.05.15/ байдлаар Итэвоны шөнийн цэнгээний газартай холбоотой халдварын тоо 153-д хүрээд байгаа юм.  Анхны халдвар авсан иргэд хэдийн 2 дах, 3 дагч иргэнд халдвар тараасан тохиолдол бүртгэгдсэн учир БНСУ-ын засгийн газраас халдварын тоо нэмэгдэхээс сэргийлж олон төрлийн арга хэмжээг хэрэгжүүлсээр байгаа аж. Солонгос улсын Өвчинд хяналт тавих, урьдчилан сэргийлэх төвийн мэдээлснээр “Одоог хүртэл халдвар авсан иргэдийн мэдээллээс үзэхэд Итэвоны шөнийн цэнгээний газраас халдвар авсан иргэд болон тэдний гэр бүл, найз нөхөд гэх мэтчилэн шөнийн цэнгээний газраар үйлчлүүлээгүй хэдий ч халдвар авсан иргэд бүртгэгдэх тохиолдол нэмэгдэх хандлагатай байна” хэмээсэн байна. Жишээлбэл саяхан Инчон хотын коронавирусийн халдвар авсан иргэн өөрийгөө ажилгүй хэмээн худал мэдээлэл өгсөн аж. Тэрээр үнэндээ сургалтад багшилдаг байсан бөгөөд Итэвоны шөнийн цэнгээний газраар үйлчлүүлснийхээ дараа сургалт хэд хэдэн хичээл орж нь сүүлд тодорхой болсон юм. Энэ мэтчилэн худал мэдээллээс үүдэн тус багшаар хичээл заалгасан сурагч, хамт ажиллаж байсан иргэнд хүртэл коронавирус халдварласан байна. Тиймээс Солонгос улсын засгийн газраас ийм тохиолдол дахин гаргуулахгүйн тулд анхаарч байгаа аж. Мөн итэвоны шөнийн цэнгээний газраас халдвар авсан иргэдийн 93 нь 19-өөс 29-н насны иргэн байсан бол 30 гаруй насны 27 иргэн, 18 хүртэлх насны 15 иргэн халдвар аваад байгаа юм.

Солонгос мэдээ булан

WWW.MGLRADIO.COM

Сэтгэгдэл үлдээх