ЭСЯ-ны Консулын хэлтсээр үйлчлүүлэх боломжтой болжээ

0
76

ЭСЯ-ны Консулын хэлтэст зайлшгүй өөрийн биеэр ирж үйлчлүүлэх шаардлагатай дараах үйлчилгээг урьдчилан олгосон цагийн дагуу үзүүлнэ.

 Үүнд:

  • Иргэний шинэчилсэн бүртгэл,
  • Банк, санхүү, үл хөдлөх хөрөнгөтэй холбоотой итгэмжлэл,
  • Монгол Улсын харъяат, иргэншлийн асуудал,

Бусад төрлийн итгэмжлэл, нотариат, төрсний бүртгэл, гэрлэлт, гадаад паспорт захиалга, лавлагаа авах зэрэг үйлчилгээг зөвхөн дотоодын шуудан болон цахимаар үйлчлүүлнэ.

 

Анхаарах зүйл:

  • Үйлчилгээний дарааллын дугаарыг ЭСЯ-ны 02-798-1950 дугаарт холбогдож авах бөгөөд тухайн өдөр хүлээн авах иргэдийн нэрсийг Консулын хэлтсийн гадна байршуулна.
  • ЭСЯ-ны Консулын хэлтэст нэг дор 5-аас дээш иргэнийг дотогш нэвтрүүлэхгүй. Үйлчлүүлж буй иргэд “2 метрийн хувийн зай барьж” харилцах журмыг мөрдөнө.
  • Ирж буй иргэн бүрийн биеийн халууныг хэмжиж, ариутгал хийсний дараагаар оруулна. 37,0 хэмээс дээш биеийн халуунтай иргэнийг нэвтрүүлэхгүй.
  • Консулын хэлтсээр үйлчлүүлэх иргэд www.mongolembassy.com цахим хуудасны “консулын үйлчилгээ” цэснээс шаардагдах баримт бичгийн жагсаалттай танилцаж, хувийн бэлтгэлээ бүрэн хангах нь түргэн шуурхай, чирэгдэлгүй үйлчлэх боломжийг олгодог болно.

Эх сурвалж: Embassy of Mongolia in Seoul

Сэтгэгдэл үлдээх