БНСУ-д хичээл маргааш эхлэх ёстой ч иргэд хойшлуулахыг шаардсаар байна

0
99

   Маргааш БНСУ-ын ахлах ангийн сурагчдын хичээл эхлэх гэж байгаа билээ. Тэгвэл Солонгос улсын засгийн газрын сайтад сурагчдын хичээл орох хугацааг хойшлуулах хүсэлт иржээ. Тус сайтад иргэд өөрт болон нийгэмд тулгамдсан асуудлын талаар бичсэнээр 200 мянгаас дээш иргэн дэмжсэн тохиолдолд засгийн газраас уг асуудлыг хэлэлцэж иргэдэд хариу өгөх журмаар явагддаг сайт аж. Өнөөдөр өглөөний 10 цаг 40 минутын үед “Хичээл эхлэх хугацааг хойшлуулж өгөхийг хүсэж байна” гэх санал хэдийн 232,880 мянган хүний саналаар дэмжигдсэн байна. Тус саналыг гаргасан иргэн “Хэдийгээр халдвар авч байгаа иргэдийн тоо 50-аас доош бүртгэгдэж байгаа хэдий ч хичээл ороход арай эрт байна. Сургуулийн сурагчид бүгд маскаа зүүж байгааг шалгахад хүндрэлтэй дээрээс нь найз нөхдөөрөө уулзахад л халдвар амархан дамжих магадлалтай. Мөн хамгийн хэцүү асуудал бол хоолны цаг. Бүгд бөөндөө хооллож байгаа тохиолдолд нэг сурагч халдвар авсан байхад маш хурдан тархана. Түүнчлэн сурагчид нийтийн тээврээр зорчих тул бусдад ч мөн өвчин хурдан тархана. Мөн хичээл эхлэх хугацааг түргэлүүлэхээс урьтан өвчин намдтал урт хугацааны онлайн сургалт явуулах тал дээрээ илүү анхаарах шаардлагатай байна” хэмээжээ. 

Одоогийн байдлаар Солонгост Итэвоны шөнийн цэнгээний газартай холбоотой халдварын тоо 180 даваад байгаа юм. Өнөөдрийн байдлаар халдварын 13-р шинэ тохиолдол бүртгэгдсэн бөгөөд 4 нь хилийн чанадаас бүртгэгдсэн байна. 

Солонгос мэдээ булан

WWW.MGLRADIO.COM

Сэтгэгдэл үлдээх