Халдвар авсан иргэний ажиллаж байсан сургуулийг хаажээ

0
129

Бүчон хотод байрлах 1300 гаруй ажилтантай Coupang барааны төвөөс өнгөрөгч 25-ны өдөр коронавирусийн халдвар авсан анхны иргэн бүртгэгдсэн бөгөөд одоогийн байдлаар нийт 36-н ажилтан халдвар аваад байгаа ажээ. Халдвар авсан ажилчдын нэг болох 30 настай А нь Инчон хотын нэгэн бага сургуульд давхар туслах ажилтнаар ажилладаг байсан байна. Тэрээр энэ сарын 21, 22-ны өдрүүдэд Инчон хотын Мансог бага сургуульд ажилласан бөгөөд өнөөдөр /2020.05.27/ тус сургуулийн сурагчдын тараан, сургуулийг түр хаах арга хэмжээг авсан байна. А нь 4-р сарын 8-ны өдрөөс эхлэн энэ сарын 22-ны өдөр хүртэл Бүчон хотын Coupang барааны төвд ажилласан ба 21-ны өдөр халдварын шинжилгээ өгч хариу нь эерэг гарсан аж. Одоогийн байдлаар А-гын ойрын хавьтагч болох 10 гаруй сурагчаас шинжилгээ авч байгаа юм байна. Мөн цаашид тус барааны төвтэй холбоотой халдвар авсан иргэдийн тоо нэмэгдэх хандлагатай байгаа учир БНСУ-ын Өвчинд хяналт тавих, урьдчилан сэргийлэх төвөөс халдварын авсан иргэдийн явсан маршрутыг нарийвчлан судалж байгаа ажээ.

Солонгос мэдээ булан

WWW.MGLRADIO.COM

Сэтгэгдэл үлдээх