Хууль бусаар амьдарч байсан эмэгтэйг сүрдүүлж, хүчирхийлж байжээ

0
188

БНСУ-д хууль бусаар амьдарч байсан Хятад эмэгтэйг сүрдүүлж хүчирхийлсэн хэргээр Солонгос улсын иргэн А (52 настай)-г баривчилсан талаар Чэжү арлын цагдаагийн газраас өнөөдөр /2020.05.29/ мэдэгджээ. А нь энэ сарын 17-ны өдөр Хятад улсын иргэн Б (32 настай)-г хууль бусаар амьдарч байгааг нь ашиглан сүрдүүлж хүчирхийлсэн байна. Б нь 2019 оны 9-н сард Чэжүд очоод визний хугацаа нь дуусаж хууль бусаар оршин суух болсон бөгөөд өөрийг нь хүчирхийлсэн гэдгийг цагдаад мэдэгдвэл албадан хөөх байх гэсэндээ цагдаад мэдэгдээгүй өнгөрчээ. Гэвч А нь Хятад иргэний амьдарч байгаа гэрт нь очиж дахин сүрдүүлснээр цагдаад мэдэгдсэн байна. Цагдаагийн газраас гэмт хэргийн хохирогч болсон гадаад иргэнийг, иргэний бүртгэл мэдээллийн төвд мэдэгдээгүй байна. Түүнчлэн хохирогч болсон Хятад эмэгтэйг ойролцоох гадаад иргэний төвд хүргэн хамгаалалтдаа авч сэтгэл зүйн эмчилгээ хийлгэж байгаа ажээ. Хэргийн хувьд цагдаагийн газраас хэргийн талаар шалгаж шүүхэд шилжүүлэх аж.

Солонгос мэдээ булан

WWW.MGLRADIO.COM

Сэтгэгдэл үлдээх