БНСУ-д ирэх 7 хоногоос эхлэн олон нийтийн газраар үйлчлүүлэхдээ хувийн мэдээллээ уншуулна

0
221

Өчигдөр БНСУ-ын засгийн газраас энэ сарын 10-ны өдрөөс эхлэн шөнийн цэнгээний газар, караоке зэрэг олон нийтийн газраас үйлчлүүлэхдээ өөрийн хувийн мэдээллийг агуулсан QR кодыг утсаараа уншуулж үйлчлүүлэх болсныг мэдэгдсэн байна. Учир нь сүүлийн үед коронавирусийн халдварын тоо олноороо нэмэгдэх болсон бөгөөд дийлэнх тохиолдлууд олон нийтийн газраар үйлчлүүлсэн иргэд байгаа аж. Тиймээс өөрийн хувийн мэдээллээ утсаараа уншуулснаар халдвар авсан байх магадлалтай иргэнийг хурдан хугацаанд олоход тус болно хэмээн үзэж байгаа юм. Өвчин гарснаар иргэд хувийн мэдээллээ цаасан дээр бичиж үлдээж эхэлсэн хэдий ч зарим иргэд утасны дугаар хувийн мэдээллээ худал өгөх тохиолдол гарч байгаа учир утсаараа хувийн мэдээллээ өгөх нь илүү бодит үр дүнтэй аж. Мөн тухайн хүний мэдээлэл 4 долоо хоног л хадгалагдаад автоматаар устах ажээ.

Солонгос мэдээ булан

WWW.MGLRADIO.COM

Сэтгэгдэл үлдээх