Сүмээс 100 гаруй иргэд халдвар авчээ

0
198

БНСУ-д өнөөдөр /2020.06.04/ халдварын 39-н тохиолдол шинээр бүртгэгдсэн бөгөөд 6 нь хилийн чанадаас зөөвөрлөгдөн ирсэн байна. Солонгост халдварын тоо хэсэг буурч байсан хэдий ч сүүлийн үед олноороо халдвар авсан иргэдийн тоо нэмэгдэх хандлагатай байгаа юм. Сөүл Итэвоны шөнийн цэнгээний газар, Coupang барааны төв, сүмийн цуглаан зэрэг олон нийтийн газраас үүдэлтэй халдварын тоо бүртгэгдсээр байгаа аж. Хамгийн сүүлийн үеийн мэдээллээр Итэвоны шөнийн цэнгээний газартай холбоотой 272 халдварын тохиолдол бүртгэгдсэн бөгөөд Coupang барааны төвтэй холбоотой 119-н тохиолдол бүртгэгджээ. Мөн нийслэл орчмын газарт байрлах 30 гаруй сүмээс үүдэлтэй халдвар авсан иргэдийн тоо хэдийн 100 даваад байгаа юм. Солонгос улсын засгийн газраас сарын өмнөөс эхлэн хөл хориог сулруулж зай барих журамд шилжсэн ч сүүлийн нэг сар гаруйн хугацаанд олноороо халдвар авсан иргэдийн тоо нэмэгдсээр байгаа учир засгийн газраас зүгээс дахин арга хэмжээг чангатгах шаардлагатай гэж үзэж байгаа талаараа мэдэгджээ.

Солонгос мэдээ булан

WWW.MGLRADIO.COM

Сэтгэгдэл үлдээх