Таксины жолооч хураасан мөнгөө хандивлажээ

0
229

Инчон хотод такси барьдаг Пак Бён Жүн (52 настай) хэмээх иргэн энэ сарын 3-ны өдөр “Хайрын үр шим” хэмээх нэгэн нийгмийн халамжийн байгууллагад 579,600 вон хандивлажээ. Тэрээр энэ оны нэг сараас эхлэн такси барьж эхэлсэн бөгөөд зорчигч суулгах бүрдээ авсан мөнгөнөөсөө 100 воныг цааш хадгалж хандивлахаар цуглуулж эхэлсэн байна. Ингээд тэрээр 5-н сарын дотор 5796 зорчигчид үйлчилжээ. Уг иргэн нь өмнө ч мөн адил хандив өгч байсан бөгөөд одоогийн байдлаар 16 сая воныг тус байгууллагад хандивласан байна. Мөн тэрээр “Би тус нийгмийн халамжийн байгууллагад хандив тогтмол өгдөг байсан хэдий ч нэг хэсэг хувийн шалтгааны улмаас өгч чадаагүй. Гэвч надад ирсэн бусдын тусыг хариулах үүднээс хүнд хэцүү амьдралтай хүмүүст итгэл бэлэглэж дахин хандив өгөхөөр шийдсэн” хэмээсэн байна. Уг иргэний хандивласан мөнгийг амьжиргааны түвшин доогуур хүнд хэцүү байдалд байгаа хүмүүст өгөхөөр болжээ.

Солонгос мэдээ булан

WWW.MGLRADIO.COM

 

 

 

 

Сэтгэгдэл үлдээх