Халдвар авсан сурагч 2000 гаруй хүнтэй тоглоомын төвөөр өдөржин үйлчлүүлжээ

0
3923

19 настай ахлах ангийн сурагч коронавирусийн халдвар авчээ. Тус сурагч халдвар авсан нь тогтоогдохоос өмнө гурван найзын хамт хүмүүсийн хөл хөдөлгөөн ихтэй байдаг Сөүл хотын Lotte World-д энэ сарын 5-ны өдөр очсон бөгөөд тухайн өдөр 2000 гаруй иргэн тус газраар үйлчлүүлсэн байна. Улмаар 7-ны өдөр Lotte World төв үйл ажиллагаагаа түр зогсоосон бөгөөд тус төвийн зүгээс “Халдвар авсан иргэн манайхаар үйлчлүүлсэн талаар мэдээлэл аваад ажилчдаа явуулж үйл ажиллагаагаа түр зогсоосон. Мөн бид үйлчлүүлэгчдээ заавал маск зүүж нэвтрэх шаардлага тавьсан бөгөөд тоглоомын төвөөр үйлчлүүлж буй хүмүүсийг хол зайтай суулгаж өөр хүмүүс үйлчлүүлэх бүрд ариутгал хийж оруулж байсан” гэж мэдэгджээ. Түүнчлэн халдвар авсан сурагчийн хичээллэж байсан сургуулийг ч мөн түр хаасан бөгөөд онлайн хичээлийн хэлбэрт шилжсэн байна. Уг сурагчтай ойрын хавьтал болох 150 багш, сурагчийг тусгаарлан шинжилгээ авч байгаа бөгөөд өнөөдрөөс нэмж 600 гаруй багш сурагчид /2020.06.08/ шинжилгээ эхлэх юм байна.

Солонгос мэдээ булан

WWW.MGLRADIO.COM

Сэтгэгдэл үлдээх