Дагавар хүүхдээ аяллын цүнхэнд хорьж, аминд нь хүрсэн хэрэг олныг цочроогоод байна

0
2907

БНСУ-д сүүлийн үед хүүхдийн хүчирхийлэлтэй холбоотой гэмт хэргийн тоо өсөх болжээ. Хамгийн сүүлд гэхэд дагавар хүүгийнхээ аминд хүрсэн хойд ээжийн хэрэг Солонгосын нийгмийг цочроогоод байна. Хэргийг тодруулбал 6-р сарын 1-ны өдөр хойд ээж нь дагавар хүүгээ аяллын цүнхэнд 7-н цаг хорьсны улмаас харамсалтайгаар амь насаа алджээ. Хүү 9-н настай байсан байна. Мөн хоёр жилийн турш төрсөн ээж, хойд аавдаа зодуулж, хүчирхийлэлд өртөж байсан 9-н настай охины хэрэг ч мөн олны анхаарлын төвд ороод байна. Охин өнгөрсөн 5 -р сарын 29-ны өдөр гэрээсээ зугтаж, гудамжинд явж байсан эмэгтэйгээс тусламж хүсжээ. Уг эмэгтэй охиныг дэлгүүрээс хооллож, ундлан цагдаагийн газарт хүлээлгэн өгсөн байна. Түүний гар түлэгдэж, цохиулсны улмаас хөхөрч, нүүр нь танигдахын аргагүй болтлоо хавдсан байжээ.

Тухайн үед охиныг харсан дэлгүүрийн ажилтан “Аав гарыг маань түлчихсэн хэмээн гараа үзүүлсэн. Хоёр гар нь үнэхээр хөх няц болоод хавдчихсан байсан хэдий ч авч өгсөн хоолыг идэж байсан. Үнэхээр их өлссөн юм шиг харагдсан” гэжээ. Уг хэргийг үргэлжлүүлэн шалгаж байгаа юм байна.

Солонгос мэдээ булан

WWW.MGLRADIO.COM

Сэтгэгдэл үлдээх