Харилцаа холбооны шугамаа хаахгүй байхыг БНАСАУ-д уриалжээ

0
217

СӨҮЛ. /TASS/. Хоёр Солонгосын харилцаа холбооны шугамуудыг хаахгүй байхыг БНСУ БНАСАУ-д уриалж байна гэж Үндэстнээ нэгтгэх яамны албан ёсны төлөөлөгч мягмарт гарагт мэдэгджээ.

“Хоёр Солонгосын телефон утасны шугамууд нь харилцаа холбоотой байлгах гол хэрэгсэл бөгөөд өмнө нь тохиролцсоны дагуу үйл ажиллагааг нь хэвээр нь байлгах ёстой. БНСУ-ын эрх баригчид хоёр Солонгосын хооронд байгуулсан хэлэлцээрүүдийг цаашид ч дагаж мөрдөж, Солонгосын хойгт энх тайван тогтоож, хөгжил цэцэглэлт авчрахын тулд хүчин чармайлт гаргасаар байхыг зорьж байна” хэмээн тэрбээр мэдэгдсэн байна.

БНСУ-ын олон нийтийн байгууллагууд БНАСАУ руу ухуулах хуудсууд илгээснийх нь хариуд эрх баригчид БНСУ-тай харилцаа холбооны бүх шугамаа удахгүй хаана гэж “KCNA” агентлаг мягмар гарагт мэдээлжээ.

Үүнтэй холбогдуулан Кэсон хот дахь харилцаа холбооны газар руу БНСУ-ын төлөөлөгчид залгахад БНАСАУ хариу өгөхгүй байгаа тухай Үндэстнээ нэгтгэх яам мэдээлсэн байна.

Түүнчлэн цэргийнхний ашигладаг телефон утасны шугамаар БНАСАУ-ын Зэвсэгт хүчний командлалын төлөөлөгчидтэй холбоо барьж чадаагүй тухай БНСУ-ын Үндэсний батлан хамгаалах яам мэдэгджээ.

Эх сурвалж: Montsame.mn

Сэтгэгдэл үлдээх