Зарим халдвар авсан иргэд хаанаас халдварласан нь тодорхойгүй байна

0
856

БНСУ-ын гамшгийн аюулаас урьдчилан сэргийлэх газраас коронавирусийн халдвараар нас барсан иргэдийн зарим нь хаанаас халдвар авсан нь одоог хүртэл тодорхойгүй байгаа талаар мэдээлэлжээ. Өнөөдрийн/2020.06.18/ байдлаар халдварын улмаас нас барсан хүний тоо 280-д хүрсэн бөгөөд эдгээрээс 70 гаруй нь хаанаас халдвар авсныг судалж байгаа ажээ. Мөн судалгаанаас үзэхэд нас барсан 4 иргэн бүрийн нэгийнх нь халдварын талаарх мэдээлэл байхгүй байгаа юм байна. Нас барсан иргэдийн 260 нь эмчлүүлж байгаад нас барсан бол 17 нь түргэнд тусламжид яаралтай ирээд харамсалтайгаар нас баржээ. Мөн Дэгү, Гёнбугт халдварын тохиолдол ихээр бүртгэгдэж байх үед гурван иргэн эмнэлгийн тусламж авч чадалгүй гэртээ нас баржээ. Түүнчлэн нас барсан нийт 280 иргэний 243 нь 65-аас дээш насны иргэд байгаа аж. Сүүлийн хоёр долоо хоногт/6.4~6.18/ шинээр бүртгэгдсэн 628-н тохиолдлын 66 нь хаанаас халдвар авсан нь тодорхойгүй байгаа талаар ч мөн нэмж мэдэгдсэн байна.

Солонгос мэдээ булан

WWW.MGLRADIO.COM

Сэтгэгдэл үлдээх