Цэрэггүй бүсийн харуулын байруудад БНАСАУ-ын цэргүүд үзэгджээ

0
681

СӨҮЛ. /Yonhap/. БНСУ-тай залгаа хилийн цэрэггүй бүс дэх өмнө нь хоосон байсан харуулын байрууд руу БНАСАУ цэргийн албан хаагчдаа илгээжээ.

Цэрэггүй бүсэд байрладаг хэд хэдэн харуулын байранд цэргүүд очсон тохиолдлууд бүртгэгджээ. БНАСАУ нийт 150 орчим цэргээ илгээсэн байна. Тэдний 10 орчим нь мөргөлдөөн үүсэж болзошгүй гэж үзэж буй газруудад байрлаж байна. Эдгээр цэргийг хурцадмал байдлыг намжаах тухай 2018 оны 9 дүгээр сарын 19-нд байгуулсан хоёр Солонгосын хэлэлцээрийн дагуу өмнө нь татан авч байжээ.

Түүнчлэн БНАСАУ-ын 100 орчим цэрэг Кэсоны аж үйлдвэрийн цогцолборт байрлажээ. Тус цогцолборын БНСУ-ын үйлдвэрүүдэд 2016 оныг хүртэл БНАСАУ-ын 50 мянга орчим иргэн ажилладаг байжээ. Үүнтэй холбогдуулан БНСУ-ын Штабуудын дарга нарын хороо мэдэгдэхдээ, Зэвсэгт хүчин хөрш улсын цэргийн ажиллагааг анхааралтай ажиглаж байгаа бөгөөд аливаа өдөөн хатгалгад хариу барихад бэлэн байна гэжээ.

БНАСАУ-ын эрх баригчид лхагва гарагт хурцадмал байдлыг дахин хурцатгаж, хил орчмын бүс нутгууд дахь хурцадмал байдлыг намжаах тухай хоёр Солонгосын хэлэлцээрийг биелүүлэхээс татгалзжээ. Тухайлбал, Солонгосын ардын армийн анги хэлтсүүдийг Кымгансан болон Кэсонд байрлуулж, цэрэггүй бүсийн илүү аюултай бүсүүдэд харуулын байруудын үйл ажиллагааг сэргээх, Өмнөд Солонгостой залгаа хилийн ойролцоо бүх төрлийн цэргийн сургуулиудаа хийж эхлэхээр төлөвлөж байгаагаа БНАСАУ-ын Ерөнхий штаб мэдэгдсэн байна.

Эх сурвалж: Montsame.mn

Сэтгэгдэл үлдээх